|ÃJA| Imphal, Jan 14: 16 kãkashunga Kachai Lemon Festival ãja Ukhrul District li khalei Kachai Local Ground li haophok haira.
ICAR Research Complex for NEH Region Manipur Centre wui Joint Director Dr N. Prakash, MOMA wui Project Director K Debadutta Sarma, EBADA wui Project Director N. Ningthemjao kala District Officer Horticulture P Tomba la, Kachai Fruit Farming & Processing Corporative Society Limited na rungmi kahai phanit chili rãzanga.
Khanithang mayon vãkida khalei phanit chili shoda khalei stall bingli Dr N. Prakash na yangvã haira. MOMA wui Project Coordinator K Debadutta Sharma na matuimida Kachai wui champrã chi okathui apam khangateili samkaphang champra wui eina ngateihang haiya da hãnga.
Kachai wui Champra chi khiwuivãng eina ãyarli export sãkhavai pheikar makhuikakã khala kaji yangkasang darkar sãhaira da ãna ngarum sangda hãngluiya.
~Aja Daily
