Dr Lorho s pfoze

Iwui asheeli Naga wui ashee longzattalei, Naga wui ning zangdalei, Naga wui malung kasa chi zattalei, wuklung maringkapha chi leidalei. Naga wui ning phanin chi khuilaga, I miyur kateili Naga wui vang nganingrada kasana.

Naga wui vang na chilala, ina yur kateiwui mashun kala samphangran kala athumwui reisang khangayi saikora chiwuivangra mayada ot sara. Makacha apong leisalala, chamna khavai Dr. Lorho ina khanganingna.

I Mao naona, Tangkhul eina Mao makacha apong khalei tharan chilila mashitpaimei khavai khuikhara chilila ot sara da I aja nathumli kharana.

Mashunga, ithum wui ngaleili, yurwui vang da chikatmi kahai mi tarakha leiya. Iram Talui lila chikatha akhava tarakha leidalei, athumli iwui khaya kashi midalei.

I Vareli ngacheeya, kha iva morei phunglak kahai mi akhana. Aja NPF lila nganingkida khara atam tharan, ina hangkahai leiya chiya – hi mathasa, any Naga from any political party eina nganing khangai chipa chili katomlaka nganingka khavai sahaosa da. Kha ithumwui yur wui political principle eina katomra kachi leihaowa. Political party khangatei bingwui intending candidate bingli hokhui laga consensus candidate kapangkhui laga chipa chili NPF wui ticket khuingasak haosa da ina tarakha shida hanga. Chi atam chili, Samuel ini mang NPF li leisaya. Inimang leisa haida, ticket chi ilila alila ungda lapai kha khangateibing lila hoser laga chameithui kaje, efficient sameithui kaje, leadership quality leimeithui kaje ithumwui representative sakhangayi mipa chili kapang laga sangasak haosa da iva request saya. Kha chi masa thuda aja ili ungda kahaina.

I NPF li nganingdalei, kha iva Naga nao wui minganing sara. I tribal nao mashun wui vang nganingra.

NPF wui image hi tarakha zakshi kahai leidalei. NPF wui suporters bing nala thada chat chat salaga mili hurt sakhai, nathumwui wuklungli hurt sakahai, ningli hurt sakahai or makhaning phasalila hurt sakahai tarakha leihaira kachi chi shalaga NPF li malung vatlak eina mi tarakha maringpha thura kachi shaya. Khare zatkahai atam tharan, NPF na nathumli hurt sakahai leisakha iwui tungli haimi haolo, pheomilo haolo. Yonhaira kachi hi ina athumwui mahut eina hanghaoka.

I NPF wui vang khanganing maning mana, Naga yurwui vang khanganingna, Tribal nao wuivang khanganing na. Chipachi theimilo. Aja atam hi Naga miyur na maka akha ithum wui vang kula kashi rakapai tarakha leiya kachi chi saikorana katheina. Chiwui vang eina nathumna ili leishimikha, ili nathumwui representative sakhavai thada katom milo. Nathumwui rao saka da kharana leader saka da I khara maning mana. Nathumwui ningkachang chi hanglaga, rao ina samika kala shepa sami khavai chikatta kharana. Chiwuivang ili leishimilo kachi hi hangluishit ngaiya.

Harva hi makakhong apam malei mana. Kaphung apam saikorali harva kakhong akhon kasha saikorana nathumwui kasaka khanmet chi ili sangmilo da kapona. Seiha samilo. Aja wui election hi “non-communal” kala khamashung eina zatvasa. Khamashung eina nathumwui khanmet chi milo.

Source: Support Group: Lorho S Pfoze

 

Tags:
0 Comments

Leave a reply

Your email address will not be published. Required fields are marked *

*

 ©2020 TangkhulOnline.com

Log in with your credentials

or    

Forgot your details?

Create Account