shangshak

Tangkhul News |ÃJA| Imphal, Mar 27

Battle of Shangshak wui 75th Anniversary li ngashikta IGAR (South) wui azingli khalei 10 Sector Assam Rifles na ãyã Ukhrul wui eina Shangshak War Memorial eina tangda motor cycle rally akha rungmi haira.

Battle of Shangshak hina Civil-military wui ngachaili co-operation leingarokta kapanga maongli rai ngarar ngarok kahai otshot akhana. World War II wui atamli Shangshak wui pamli Japanese bing eina Parachute Battalion kala 4th Maratha Light Infantry Regiment, langmeida Tangkhul Naga kachungkhala zangda rai ngarar khangarokli mi 50 shakha thisang kahaina. Shangshak li hikathã rai ngarar khangarok otshot hina Japanese raimi bingna Kohima li vazang khavai kasalila atam kasangkha huikhangasaka da hanga. Hangda khalei rai chili Japanese wui division li khalei raimi huptãna Shangshak wui kateova garrison li khalei shipai bingli sakchangda ngarar khangarokna. Otshot hiwui eina Japanese naobing Kohima vak maiyãlak eina masangkharar wui apong akha ngasã ngasaka jihaira.

10 Sector Assam Rifles wui Additional DIG azingli motor cycle rider 40 na rally chili zangda Shangshak wui War Memorial li vazangda apam chili awon kathãla chikat ngarokta mawon sathui kahai thouna khalei personnel bingli phaningungda khayã kashi chithei haira.

Shangshak hi World War II wui khamataiya kha ãkha ngasãda khaleina. Ukhrul wui TNL Ground eina ngathor pung 9 katã atamli motor cycle rally chi flag off samida Shangshak War Memorial li vãkazangna. Rally chili Ukhrul li base kasa club Hao Riders wui rider 25 la zanga.

Shangshak War Memorial chili kazip khuikãda WW II li thisang kahai personnel bingli khayã kashi chitheida guard of honour mihaira kala war memorial li awonla chikat ngarok haira.

Kazip chili civil kala military wui khamataiya minganin bingla rãkazang mang maningla ramnao, veterans kala ex-servicemen kachungkhala razang haira. Kazip chiwui akai akha sada ex-servicemen bingli ngarokhuimi haira da PRO wui paoli hanga.

~Aja Daily

0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account