|ÃJA| Imphal, Feb 01

Ãja Phungyar Assembly Contituency wui lungli khalei Yeasom khali Kasom Khullen Sub-Division Development Association (KKSDDA) na makhokmida khuikakã sub-division hiwui lungli khalei khawung 44 wui minganin bingna rãzangda yarui kazip akha khuikã haira.

Kazip chili ADC member khani, village chief, village authority, religious leader bing, officers kala well wisher bingna rãzangda ABCI Private Limited li kachikathã zakmai makathei organisation na khamachit khami chili saklak eina kakhui eina ngasoda ajawui house na khokha sãda otsak chili condemn sãhaira.

Kazip chili rãzang kahai huptãna ABCI na singkãda khalei shongfa kasemwui project li kachikathã groups or organisation na khamachit kala kahap mamipailak mara da mayãngaroka jihaira. Chithãda sãda ABCI na singkakã otngarutli khipãnakha kahap mamipai mara kala parhaida khalei threat bing chila ngalangda khalan phalungra da kasir haira.

Rãkhara zimikshobing lila company hina singkakã otngarutli hangda khalei sub-division hiwui lungli kakai kakak kala kahap otsak masãpailak mara dala kazip chili mayãngarok haira.

Kazip china ABCI wui tungli parhaida khalei threat chi rakhara Feb. 4 wui lungli khalanhai phalungra chi maningthurakha sub-division hiwui yaruiwui kharing kharakli kahap mikhavai kasã group na da kakhui eina ngasoda ãthumbing chi anti-development kala anti-people na da khuirã da khokha sãda mayãngarok haira.

Ajawui kazip china ãthumna deadline mikahaiwui lungli hangda khalei group or organisation china mahensangla ot singkãhai akha KKSDDA na issue hiwui pongli Kasom Khullen Headquarter li yaruiwui kazip akha khuikã luishit khavaila mayã ngaroka.

Lãngmeida, chikathã kazip chili hangda khalei group/ organisations bing chili Kasom Khullen Sub-Division wui jurisdiction lungli social boycott kasãwui pheikar kathãla singkãhaora da KKSDDA wui Chairman E. Peter, General Secretary Rockson A. Shimray, Vice Chairman MC. Hormi kala katei member bingna ngarumda shoi sãlaga chiho khara lairikli phongshokta lei.

~Aja Daily

Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account