kangpat
ÃJA| Imphal, Jul 05: HQ IGAR (South) wui azingli khalei 10 Sector Assam Rifles wui Chassad Battalion na aja Kamjong Police Station wui azingli khalei Kangpat Centre li medical camp akha rungmi haira. Medical camp chi Assam Rifles Civic Action Programme 2019-20 wui azingli rungkhamina. Ngarumda kakazãnao 73 li AR wui doctor kala train sakahai para-medical staff bingna checkup samida darkar kasa aribingla khalem eina yaomi haira.
Medical camp rungkhamiwui ningrin hi matailak eina Kamjong PS wui azingli khalei Kangpat Centre kala hiwui khongnai khawung bingwui ramnao bingli khalem eina medical treatment ngaranmi khavai rungkhamina. Apam hi Indo-Myanmar dhari ngalemli khalei ngasahaoda medical treatment wui khudong kacha mathãda masamkaphang wuivang hikathã camp hi rungkhamina. Camp chiwui akai akha sada ari arai samphang khangasak mang maningla ithumwui kuikhamarei tharzãri eina haikhavai langmeida kazãt ayur kachungkhawui eina ngatangkhui khavai awareness khami sadala camp hi rungkhamina. Medical camp chiwui akai akha sada arui zur kachang atamli ngayaoshok kazar kazãtbing wui eina ngasharda pamkhavai langmeida hãchang khamakeiwui eina shokhangasak kazãt bing marãza ngasak khavaiwui ponglila lecture khuikãmida demonstration la sachithei haira.
AR na kha hili medical camp rungkhami chiwuivang ramnao bingna ningyang khaung kala ningkashi phongshok haira da PRO wui paoli hanga.
Lakhashong, 28 Sector Assam Rifles wui Sajik Battalion na Chandel district Khaikual kala hiwui khanganaili khalei Churachandpur district wui khawungbing wuivang Assam Rifles Civic Action Programme 2019-20 wui azingli aya medical camp rungmi haira. Ngarumda medical camp chili Khaikual kala hiwui khanganaili khalei khawung bingwui kakazãnao mi 285 li khalem eina treatment khuimida darkar kasa aribingla yaomi haira da PRO wui pao china hanga.
Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account