ÃJA| Imphal, Jul 01: William Pettigrew na Tangkhul ngalei li kharinga mirin khuirã khami mãng maningla awui otsakrumma bingwui pheichon yunmamãnda ãja rãshungda Tangkhul ngaleili Varewui tekkhamatei phongshokta khalei hitharãn church kathãna bingna ot mangã khuiki kaji apong kha leihaira da TBCA Executive Council na phongshok haira.
Arui Ukhrul Town li “Calvary Church” kaho group ãkha shokta ithumwui churchrinli sãkaza tarãkha khuirã haira kaji pao samkaphang wuivãng eina thuikahai atamli Tangkhul Baptist Churches Association (TBCA) Executive Council nala majuk laga Qr. Honlei kaho mayarra ãkhana kathãn group hina ministry (church) lingkã laga yarui kachungkhali pangapã ngasakta leiya jihaira.
Ãwui kathãn azingli Baptist nada Baptist Church lila lei laga Baptist wui teaching li ngateida tamchithei laga rahikmida khalei hiwui maramli Executive Council na thuklãk eina majuk laga hikathã khanguiya tamkachithei hi TBCA wui member bingna bhãp tãsingkhui khavai pamphlet or mass media li mangayao misa da mayã ngarok haira da TBCA wui Executive Secretary Revd Dr Mathotmi Vasha na press li mikharã lairik ãkhali chitheimida lei.
TBCA wui lairik china hãnga, Calvary kaji ministry hi cult ayur ãkhana. Chi eina TBCA wui member bingna hili otsak mangarumpai mara kala group hili zatta khalei baptist member bingli local church na hãngmachin miranu kala mahengkasang bingli khuikhangayi action khuimiranu da kazip chili mayãngarok haira.
Local church kachivana tuitak hi yangsangmi khavai kala church kachiva lila hiwui pongli ngayao kahaina, kha, ãja rãshungda Baptist church member kachungkhana mahengsangla Calvary Church kaho aming eina ithumwui yaonao kachungkha pangapã ngasakta lei. Chiwuivang ithumwui yaonao kachikathãna baptist church wui yaonaona da aming ngakhum laga Calvary group hili otsakrumda leiakha chibingwui tungli local church na khuikhangayi action miser haoranu da Council wui lairik china chishãtmida lei.
Calvary group hi church ãkhana da recognised masãpai mara, kala Qr. Honlei kaho mipã hi Baptist church wui member maning mana, ãli Baptist Church wui Pastor kaji mingpho mamipai mara da chitheimida lei.
Vaomalãnda khalei hi ithumwui ngalei hili chingri eina kala khamashunga manglãrin ringkhavai da kachitheina da hãnga.
Ithumwui doctrine li kala shitkasangli masãmakhao khavai kala ithum khamashunga churchrin chili ringshap khavai da pheikar hi kakhuina, saikorana seihã sãda, Vareli ngacheeda ot mangã khuirumsa da TBCA wui Executive Council na ngahot haira.
Kachikathãna bhap makatã leisãlala concern office li tharkhuimi ranu da lairik chili chitheimida lei.
Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account