Harmit Singh Pahuja
|Thotshang Shaiza| Ukhrul, Jun 24: Atam kasãngkha MG-NREGS wui pheisã makhaung kala 2018 kumwui eina ãja rãshungda makupsangla leida khalei wui tungli achã kachãng May wui 24, 2019 thang Ukhrul District wui pheisã MSRDA na sanction sãkahai lupa 5.5815 Crore chi Ukhrul wui Deputy Commissioner Mr. Harmit Singh Pahuja na thumkapam chili Ukhrul District NREGA JAC (UDNREGA-JAC) hina mamayã khangai phongshok haira.
Manipur Secretariat Rural Development na Ukhrul wui NREGS wui ot sãkhavai kala Wages (LC & MC) wui lupã crore phangã tangkhai lãngda mikashok notification No. 4/16/19-MSRDA(FR) hi kachãng ãkha kãshung hailala Deputy Commissoner Ukhrul na kasaikha haikapam hi yaruili mashitkasang otsak ãkhana, maram hiwuivang eina UDNREGA-JAC wui Convenor Qr. Dickson Ngalung Zimik kala ãwui Committee bingna thuikahai tarik 14th June 2019 thang DC, Ukhrul li vãsamphangda maram khangathingli, zimiksho khani/ kathum thangwui alungli thãklãk eina chihoshokmi haora da ngahãnkã laga ãja rãshungda kasainakha pamda lei jihaira.
UDNREGA-JAC na kahang athi shurda DC Ukhrul na yarui/ job card holder bingli mashitkasang/ matheikhami otsak eina pheisã thumkapam hiwui maram eina tarik 22nd June thang meeting pam laga chiwui tuitak athi shurda DC Ukhrul na pheisã crore phangã tangkhai hi thaklãk eina mamishok akha ãwui tungli Court li tuikat kãhaora jihaira.
~Aja Daily
Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account