NREGA
|Thotshang Shaiza| Ukhrul, Jul 1: MG-NREGS hi Manipur State na pãng zangkhareoda wui eina ãja rãshungda India wui 100 days wages guaranteed scheme policy hi success masãlui kajina kala zakshimei mamãnda kaphungnaobing ithumwui samphang khangayi ngalangman kala development saikora Imphal kala Ukhrul wui Secretariat Office wui eina makãnshoklui thura.
Ãjakum 2019 wui NREGS mahaophokrang kajili lãngda 2018-19 wui eina tangda DC Office Ukhrul li fund ungda kachãng ãkha kãshunghai sãlala Ukhrul wui Deputy Commissioner Harmit Singh Pahuja hina mayaokhami kala khavãt chili mayangsang mila kasaikha pamkasã wuivãng eina Ukhrul District NREGA-JAC na vãphãkashok eina ot sãphoknao kajina.
Lp. Crore 5 tangkhai lãngda kachãng ãkha kãshungda ãwui pãngli haipam kahaiwui thili complain vãkasã eina Material Component makazang wuivãng eina haikapamna da thuikahai tarik 24th May wui chi 25th June li Manipur Government li lairik kapitãnao kaji hi yaruili mashitkasangna da Qr. Khamung, Ukhrul District NREGA-JAC wui Secretary na ãja press conference ngahot laga phongshok haira.

Also Read: JAC alleges Ukhrul DC of MGNREGA fund irregularities

Pheisã ungda khalei crore phangã tangkhai hila Ukhrul kala Kamjong District hiwui alungli khalei kha kala tang chungkhamei wuiva mazang mana.
Hunphun tang 29 wui alungli tang 5 mãngwui, kachikathãwui 14 days, kachikathãwui 3 days da ngatateida ungda khaleina, maramva Government wui directive Liability Create sãlu, kaja, ot sakahaiwui thili chiwui athi shurda ngalangman mira da order leikahai chi DC kala SDO bingna kala ãthumwui azingli ot sãda khaleibing MIS na yaruili machishãtmi mana jihaira.
2018 kum wui Audit li Ukhrul na every draw li 6% khuikahai chiwui statement mamirar mada audit matharmirar thuwa jihaira.
Ukhrul District NREGA-JAC na hãnga, Ukhrul wui DC hina yaruiwui samphang khangayi pheisã government li mapo khami kala ungkahai chila mayaomila leida khalei atam hili DC Ukhrul li transfer masãmipai mara, kala shuti kala training kathãli phen laga station chihohai laga mazatthui khavai kaji hi yarui wuivang ot sãda khalei yangsangmi khangayi bingna mikyan zangmi khavai ngakao haira.

Also Read: DC, Ukhrul na NREGS wui Lp. 5.58 Cr thum-kapam wuivang Court li khuikã haora jihaira

Thuikahai atamli Minister Rural Development Qr. Th Biswajit na NREGS hi 100 days peingasak haora da vaokashok kum 2017-18 chili teomei thuida 11 days mãng miya jihaira.
Ukhrul li leida khalei bank bing ngazanlãk eina leida khalei atam hitharan Jessami kala Chingai Block wui Labor Component (LC) hi Direct Benefit Transfer (DBT) eina job card holder bingwui bank account li sangmi khavai kasã hi success masãkapai wuivang ãja rãshungda 6 days wui masamphangla leida lei.
Hithãda Ukhrul wui DC Harmit Singh Pahuja hina yaruiwui kachot mayangsang khami hili Manipur wui CM kala Governor bingna shini thang (1 week) wui alungli action makhuimi akha Ukhrul District NREGA-JAC na democratic means of agitation/ protest sãhaora da hãngmathin haira.
~Aja Daily

 

Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account