talui

Tangkhul news |ÃJA| Imphal, Mar 27

Ukhrul District wui lungli khalei Talui khali ãyã community service centre na run sada khalei Village Level Entrepreneur (VLE) Qr. Vareiwung Rungsung na ngaran ngayei samilaga Financial Inclusion wui pongli Awareness Camp akha rungmi haira.

Talui kha hi Ukhrul District li rimeithui kaji kala akhamang kaji Digital Village sada semkã khavai kapangkhui kahaina. Khuikã kahai program chili kha chiwui acting headman, Talui Katamnao Long wui president, Talui Reisang Youth Club wui president kala Talui Baptist Church wui accountant athumna resource person samihaira.

Kazip chili resource person bing china Financial Literacy kathãda sãakha mathãmeira kala remote area bingli banking service mathãda makhalei thãran digital finances services wui khudong kacha mida khaleiwui pongli meisã eina tamchitheimi haira.

Langmeida Ministry of Electronics and Information Technology (MeitY) wui azingli singkãda khalei project ‘Digital Village’ hina yaruili e-services ngatateida samphang ngasakta khaleiwui ponglila phongshok chithei haira. Project hiwui azingli government employee makhaningbing nala pension samphang khavai scheme PM-SYM, kachamma shimkhur bingna khalem eina kazãt ngahãkhui khavai scheme, PM-JAY hikathã ngatateida centre government kala state government wui scheme bing samphang paira kajiwui ponglila chitheimi haira da hanga.

~Aja Daily

Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

CONTACT US

We're not around right now. But you can send us an email and we'll get back to you, asap.

Sending

Log in with your credentials

or    

Forgot your details?

Create Account