van mahotsava
ÃJA| Imphal, Jul 01: The Festival of Forest “Van Mahotsava” hi India wui apam bingli 1950 wui eina haophok laga thingrong lingkasang eina mayonrãshumda khaleina. Ãjakum Manipur Government wui Forest Department na district 14 wui apam ngatateidali thingrong lingkasang hi eina Van Mahotsava kaji festival hi mayon ngarok haira.
Ãja zingkum 70 kãkashung “Van Mahotsava Week” 2019 (kharar ngahongwui phanit) khamayonli Ukhrul wui apam 10, chiya, Sacred Heart Hr. Sec School, Little Angels Hr. Sec. School, Halang Ato, Hoomi, Awangkasom, Chingai, Poi, Kharasom, Razai Khullen kala Ramva apam bing hili thingrong lingsang haira.
Ukhrul wui DFO Qr. Shanngam Shili, IFS eina Range Forest Officer N. Kumar Singh, Ukhrul Forest Division na thãnlaga Halang Baptist Church wui compound kala Halang Ato wui Mayam khangai chili thingrong 3000 shakha lingsang haira. Khangai chili thingrong ayur kathum chiya, agar, talhao kala shilimthing bing hi lingsang kahaina.
Festival of Forest “Van Mahotsava” wui ot mangã hili Ukhrul journalist bingnala news cover kasãmãng machila, kha, thingrong lingkasang hi mi saikorana sharuk khuingayiya kajiwui khudam sãda Thotshang Shaiza, President UDWJA, R Lester Makang, Secretary UDWJA kala Tennoson Pheiray ãshi kathumna Halang wui Mayam khangai chili Agar arong ãkharip lingkasang eina ngasoda thingrong kathum chili zingkum phangã wuivang yangsangmi khavai mi phãkakhui eina ngasoda chili zangkhangayi maintainance wui pheisã haimi haira.
Ukhrul Forest Division na 2018 wui June 18 thang Halang wui Khangairim kaho khangai chili Thingrong 4000 shakha lingsang kahai chi khana mathalãk eina yangsang khami eina success sãlãk eina leida khaleina.
~Aja Daily
Tags:
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account