james and joy kumar

|ÃJA| Imphal, Apr 1

Rãkharã April 11 thang 17 Lok Sabha Election 2019 wui khare phase wui election khuikãkida khalei hili Outer (ST) Manipur Parliamentary Constituency li Indian National Congress (INC) minganin sada khalei hina Punjab National Bank (PNB) wui eina loan sada lupa 100 crore khuilaga marunkãla leihaira. Hiwui pongli Election Commission of India li tuikat kãda awui candidature chi disqualify sami khavai ot singkã haora da Deputy Chief Minister Y. Joykumar na phongshok haira.

Tui hi ãja Outer Manipur Parliamentary Constituency li National People Party (NPP) wui minganin sada khalei Thangminlien Kipgen wui election campaign kazip akha Wabagai AC wui lungli khalei Wabagai High School ground li khuikakã thãran phongkashokna. Ana hangluia, hikathã INC wui minganin na Manipur wui represent sada kapangkãhai akha awui eina chihanki kaji chi khikhala da ngahan haira.

Ãna hangluishitta, BJP wui spokesperson kala North East wui incharge Ram Madhav na Citizenship Amendment Bill (CAB) na Manipur li saza khavai akhala maleimana da phongshok haira. Chili langda BJP wui National President Amit Shah nala Assam li election wui mari leida matuikhamili CAB hi BJP na centre li pangshap singluihai akha parliament li khuishokluira da phongshok kahai china kachitheiva Northeast Region hiwui BJP wui minganin sada parliament li chihokãhai akha CAB khuikhara kaji hi makhangapat tuina. Yaruina hiwui pongli mathãlak eina khamajuk atam ngasã haira da hanghaira.

Y. Joykumar na hangluia, NPP hiya Northeast region mibing wuivang phaningkhami party na, kachichana sãkhangai athishurda ot singkã kapai party akhana. Northeast kala Manipur kansa, reikasang Manipur akha ngasã ngasaksa jiakha outer parliamentary minganin hi NPP na khangasã atam mangli ngasãpaira da phongshok haira.

Ajawui election campaign chili Health Minister Jayantakumar, NPP wui Secretary (Organisation) Kh. Loken, NPP wui National Youth President Yumnam Rishika kala NP wui khamataiya mi bingla razang haira.

~Aja Daily

Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

CONTACT US

We're not around right now. But you can send us an email and we'll get back to you, asap.

Sending

Log in with your credentials

or    

Forgot your details?

Create Account