citizenship bill

|Thotshang Shaiza| Ukhrul, Jan 31: MG-NREGS wui azingli Centre Govt. na 100 days Guaranteed Work zingkum ãkhali sanction sãhai sãlala State Govt. na 2018-19 kum hili 10 days mãng mida khalei hina Job Card holder sãikorali maringkaphã kala makapen kachungkha samphang ngasak haira.

Hina maram sãda JAC MG-NREGS Committee Ukhrul District HQs kaho group ãkha semkakhui eina ngasoda thuikahai 26th January, 2019 thang Deputy Commissioner, Ukhrul wui tungli Public Curfew sãkahaina.

Kha chitha sãlala Government na Job Card holder bingwui maringkaphã chili khikha mathei khami leihaoda JAC hina ãja press conference ngahot laga, paome bingwui mangãli matuimida, Ukhrul HQs mãngwui JAC mangasãla, kha Ukhrul District li leida khalei khawung Awunga kala Chairman sãikora kazanga hakkhameia JAC semkhui laga ngararva khavai sãhaora da phongshok haira.

JAC hiwui Committee member Qr. Dickson Ngalung eina Qr. Khamung Mashangva na chitheimida, state khangatei liva Centre Government na DRDA wui office li direct eina pheisã sangmi haida sheikakhaut maleiklãkla 100 Days target chi sãshapta khaleina, kha Manipur li 2013 wui eina Manipur Government na State li ungzang kahaiwui thili ãthumwui ningkachang athi shurda mishok naora da semkhui kahai hina maram sãda MG-NREGS hi sheisha pamda khaleina jihaira.

Hikathã State na seikhaut pamda khalei hili ngarar khavai Tangkhul khawung katonga wui Awunga/ Chairman bing zangser laga JAC semkhui khavai rãkharã tarik 4th February, 2019 wui ngathor 11:00 am li Awontang Hall li meeting pamngarum khavai langchin sãhaira da chitheimi haira.

Ãthumna JAC Form sãkahaiwui thili Manipur li khalei MG-NREGS beneficiaries katongali ngatomkhui laga hak-khamei JAC ãkha State Level eina semkhavai sãra, kala hak-khamei apong eina yarui sãikora wuivãng ngarar haora da phongshok haira.

~Aja Daily

0 Comments

Leave a reply

Your email address will not be published. Required fields are marked *

*

Create Stunning website at just Rs 348/yr with free domain. Hurry limited time offer

 ©2019 TangkhulOnline.com

Log in with your credentials

or    

Forgot your details?

Create Account