Menu
Account Login and Registration
Go back » » 2018 » September » 13

ADC member bingwui tungli Eviction Drive khuikakã chili TKLI & TPOI na panglãk eina condemn sãhaira

Imphal, Sept 12

Ukhrul kala Tamenglong ADC member bingli kakasham otsak chili Tangkhul Students’ Union Imphal (TKLI) eina Tangkhul People’s Organization Imphal (TPOI) na maringkaphã tarãkha phongkashok eina ngasoda Khuman Lampak Sports Complex alungli semhaida khalei State Youth Centre kala Sports Hostel No. 1 chi mina mayangsang mada mashijinla leikasãna da hãnghaira.

Apam chi mashijinla leikasãwui vang State shorkar na ADC Member bingli chikãmikahaina kaji eina ngasoda athumna apam chili pamda khalei chi authorise masãmana da mahãngpaimana kaja athumli apam chili pamkhavai shorkar na chikãmi kahaina da hãnga.

Atam mamila, ADC member bing chili Security personnel bing shijinda, athumwui wot pongshokmi kahai chi mikumo ãkhawui otsak maningmana da hãnghaira. Ground Floorli wot haikhavai apam tarãkha leisãlala, athumwui wotbing chi chili eina tangda mahaingasak mana dala hãnga.

Otshot chili ADC memberbing chiwui naongarãbingwui school Uniform kala lairik bingla horsangmi phaphãkahai wuivãng maphãkhui thuda school makãla leidalei kaji eina ngasoda ithum khalattawui State shorkar na khalattwui ruichumnao bingli chikathã ramsã wui otsak sãra kaji kachihãn maleisãmana dala hãnghaira.

ADC member bing kala athumwui shimkhur bingli kathãkwui alungli ngaran ngayei masãmi akha, SC&ST (Prevention of Atrocities) Act kala khangatei provision bingwui azingli legal action khuihaora dala hãnghaira.



Flat 35% Off On Web Hosting

There are no comments for this entry yet.
avatar