Menu
Account Login and Registration
Go back » » 2018 » June » 29

“Chãn-Sak Debate” Elimination Round: Ngashan shimãn mamãnda khalei hi khanuithot bingwui vãng einana

Imphal, June 28

Chãn-Sak hiya debate competition mãng maning mana, kha tuikui “Cultural Values shimãn mamãnda khalei hi khanuithot bingwui vãng einana” hili ngazektã kahai tuipong bing china khamataiyana da Debate hiwui chairperson sãme Qr. Ramthing Horam na phongshoka. Ngazek kahai issue hi aruihon ithumna saklãk eina khuiki kaji issue ãkhana da ãna hãnga.

Ura Public Charitable Trust na rungmida ãja Chãn-Sak Debate Competition wui Elimination Round hi Ukhrul wui NERCORMP Hall, Viewland li khuikãda kupsang haira.

Ukhrul li masãlãkrang kaji arãh eina khuikakã Open To All debate competition hili nganuimeithuida participate kasã chiya Class IX wui katamnao ãkhana, kala rarmeithui kaje participant china MA katamnao na.

Khararnao naoshinaoda mangayarshokla ngarumda khuikã kahai chãn-sak hili point ngatateida phongshok ngarokta phayat ngarok haira. Khanuithot bingna Tangkhul tui wui mahutli English kapangthui haira, khanuithot bingna ot phã mamãnda ayãr ngaleili shokthuihai laga avaramwui zatkhanãli maningsanglui mana da tuikui chili katomda mover bingna phongshok ngarok haira.

Lãkhashong, opponent bingna phayata, ithumwui cultural values shimãnda khalei hi khanuithot bingna maning mana, kha khararnao bingna naoshinao bingli matamkachithei wuivãng einana jihaira. Tangkhul textbook li ngashan matammila ayãr ngaleiwui zatkhanã tampam haira, Tangkhul ngashan/ culture tamkhavai maleithura, wortam shimbing nala career li kãnnãmei khavai Tangkhul subject wui mahutli English kala Hindi kathã hi khuingasakta leihaira da phayat ngarok haira.

Ãja preliminary round wui eina finalist tharukli kapangkhuida rãkharã 30th June thang NERCORMP Hall, Viewland, Ukhrul li Final khuikãra. Kapangkhui kahai Finalist bing chiya - 1. Tammiron Shangh (BA Economics), Ikra Mashangva (BA 3rd Sem), Chanreiyo Cili Mashangva (Class 10), Ngayaipam A Shimray (BA), Ningkhanrin Phungshok (BA) kala Soshan Zimik (B.Sc 3rd Sem) ãthumbingna.

Finalist bing hina “Education Institutions and Civil Societies are responsible for deteriorating education trent of Ukhrul” kaji tuikui azingli ngaphat ngayat sãra. Final zimiksholi Qr. YL Mingthing nala rãngarumda machãnsangmira, kala The 23rd Rn Hopingson IPS Memorial Award 2018 la District Topper bingli yaomida felicitate sãmikida lei.

~Aja Daily

Flat 35% Off On Web Hosting

There are no comments for this entry yet.
avatar