Menu
Account Login and Registration
Go back » » 2018 » July » 2

Chãn-Sak Debate Final

Katamnao bingli political khutlai sãda shijinchingda lei, kha student issue va political agenda li mazangla lei - Moderator

Imphal, June 30

Chãn-Sak Debate Competition wui final round ãja Ukhrul wui Viewland li khalei NERCORMP Hall li khuikãda Qr. Ngayaipam A Shimray na top prize khuihaira.

Ura Public Charitable Trust na rungmida khuikakã debate final round hili ‘Ukhrul wui wortamrin zakshisangda khalei hi Wortam Shim kala Yarui Longnao bingna shokngasakta khaleina’ kaji maramli finalist mi 6 da ngaphat ngayat sãhaira.

Tuikui chili katomda khamatui bingna hãnga, district hili lairik katam hina aman sakmeithuida lei. Shorkar wui kala katei wortam shim bing condition zakshilãk eina leida khalei chili yarui longnao bingna khikha mayangsangmi thura da hãnga.

Ãthumna hãngluia, exam kathã atamli ojã na michang zangkahai, government wortamshim bingli proxy ojã kahai, katamnao mashing chungmataida khuikasang, kala katamnao bingli political protest kathãthãli shijin khanganao hikathã hina maram sãda district hiwui katam-kasha standard makãshungla khaleina da mover bingna phayattã kahaina.

Lãkhashong, opponent bingnala phayatta, khayon hi ava-avã bingli phenki kajina jihaira. Yarui longnao TKS kathã hina lairikshim bingli munlãk eina yangsangda directive issue sãkahai leichingda lei da hãnga.

Longnao bing, NGO bing kala lairik shim bingna panglãk eina hotnãda Ukhrul li SSC Centre la khuiung haira. Lãngmeida, ãthumna free coaching class kathãla kachungkha mida khaleina. Kashoi hi ãthumli maphenpai mana kha kachichã khalattana phungki kajina da opponent bingna phayat haira.

Debate kakup eina ngashada debate Chairman na remand mida, ãja ngayat sãkahai tuikui hi yur hiwuivãnga arui arui darkar sãmatailãk kahai issue ãkhana da hãnga. Katamnao bingli toilãk eina political khutlaiwui vãng shijinchingda lei, kha katamnao bingwui issue hi political agenda liva mazang mana da moderator na ngarumsanga.

Technology na mahut shinhaida ava-avã bingna katamnao bingwui katam kasha li role kakhui suitã matailãk haira da ãna hãngluia.
Chãn-Sak debate hiwui kupkasang sãda Revd Dr. YL. Mingthing nala machãn kasang tui matuisangmi haira.




Debate winner Qr. Ngayaipam A Shimray li Rs. 10,000 + citation, First Runners khani, chiya, Ikra Mashãngva eina Tammiron Shang li Rs. 3000/+ citation, kala Second Runners Up kathum, chiya, Ningkhãnrin Phungshok, Soshan Zimik, Chanreiyo Cili Mashãngva ãthumli gift kala citation da yaomi haira.

Debate competition hi kakup eina ngashada ãjakum High School Leaving Certificate Exam li disrict hiwui sãda topper khuikahai bingli felicitate sãkhami eina ngasoda Rn. Hopingson IPS Memorial Award la yaomi haira. Ãjawui program hili mi 100 shakhana sharuk rãkhuiya.

Debate competition hi Ura Public Charitable Trust na ima yur ngaleiwui wortam environment hili khangachei khuirãda katamnao bingwui katam-kasha mathãsangmei khavaiwui ningrin eina Ukhrul district li khare sãda rungkhamina.

Katamnao bingwui thangmet-khon hi public platform li khuishokta yaruili shãngasakta, kala ãthumwui potential chi machutkhuida kachanga thangmetwui vãng rakachang samphangda ot mangã khuiching khavaiwui ningrin eina rungkhamina da Trust wui member bingna phongshoka.

Ura Trust hi Peingam Zimik na president, Vareishang Phungshok na general secretary kala Chingripem KAS na Treasurer sãda phungda khaleina. Hiwui member bing hi apam ngatateidali service ngatateida sãmamãnda volunteer sãlaga Trust wui otngarut singda khaleina. Ãthum hi kachunga 2013 wui batch serra.

~Aja Daily



Flat 35% Off On Web Hosting

There are no comments for this entry yet.
avatar