Menu
Account Login and Registration
Go back » » 2018 » July » 2

Chief Minister kala MAHUD Minister na Ima Keithel li vãyangsang haira|DIPR|

Imphal, July 1

Chief Minister N. Biren Singh kala MAHUD Minister Th. Shyamkumar na ãja Ima Keithel li yaovãda Women Vendor bingli khararchãn vãsã haira.

Chief Minister N. Biren Singh na paome bingli chitheimida, Ima market kathum chi, Prime Minister Narendra Modi na khuishokmi da Central Government wui Swachh Iconic Place (SIP) Project wui kakathuma phase azingli market chi develop sãkhavai kapangkhui kahaina da hãnga.

Programme chiwui azingli, Ima Keithel chi mathãsangmei ngasak khavai kasã kala sãkhamathã china khamataiya component ngasãra kajiwui vãng Okathuiwui phaolãk kahaiya Ima Market chi inspect sãkhavai kala chili wot yorda khalei shanao bingli khararchãn sãkhavai yaorãkahaina da Chief Minister N. Biren Singh na hãnga.

CM na chitheimi luishitta, Ima Market kathum chiwui minganing bing, Imphal Municipal Coropration kala MAHUD wui minganing bing zangda plan semkhavai committee ãkha semhaora da hãnga. Chimãng maningla, Swachh Iconic Place (SIP) Project khuikakã atamli, Ima Market wui first floor chili vendor space shomi khavai kala basement chi gari parking sãkhavai la ngaran haora dala hãnghaira.

Tombisana High School semhai kasã apam chili Market shed semkida khaleiwui maram lila Chief Minister na chitheimida, apam chili ground leveling project khuikakã atamli mirakui samkaphangwui vãng eina otmangã ngasam kahaina kaji eina ngasoda, project chiwui darkar kasa fund chi leipapamda lei kala kathãkwui alungli otmangã khuikãphokluishit khavai ngaran haora dala hãnghaira.

Myanmar eina Manipur wui border issue shokta khalei chiwui maram lila chitheimida, kachama map chili ngalei khani wui boundary mathãlãk eina chitheimi kahaina chiwui vãng eina Border pillar khaningkakã atamli Manipur wui lam shimãnhai akha State kala Central Government na kasaikha mapamlãk mara dala hãnghaira. Lam ãkai ãkhala compromise masãmara da Minister of State for Home Affairs Kiren Rijiju na phongshok kahaina da Chief Minister na hãngluiya.

Rida Joint Survey khuikã kahai chili khonkazãr shokkahai maleimana kha, aruihon Border pillar khaningkakã hi issue teomeikha rãshok kahaina, chiwui vãng eina ngalei khaniwui boundary kachitheiya kachama map chili refer kasã darkar sãya da ãna ngarumsangda hãngluiya. BJP National President Amit Shah na State hili yaokhaung atamli hiwui maramli chitheimi haira da Chief Minister na hãnga.

Citizenship Amendment Bill wui maramli khangahãn kasãli, Chief Minister na chitheimida, Bill chili ningkharik khavai maleimana kaja, Manipur wui indigenous mibingli ngãkmi khavai relevant kasã katonga ãja kachãng khuikãkida khalei State Assembly li, Manipur People’s Protection Bill khuishokkida khalei chili sangmiser haira da hãnga.

Aja CM eina MAHUD Minister na Ima market li yaokhavã chili, shongfapheili hanshirai kala khangatei wot yorda khalei pareinao bing chilila khararchãn sãhaira.

Prime Minister Narendra Modi na haophokmi kahaiya, SIP Project chi Union Ministry of Drinking Water and Sanitation na, State Government wui kakatom khuilaga, Central Government wui flagship programme kaja, Swachh Bharat Mission wui azingli khuikãda khaleina.


~Aja Daily

Flat 35% Off On Web Hosting

There are no comments for this entry yet.
avatar