Menu
Account Login and Registration
Go back » » 2018 » May » 14

Chiko Adventures wui magazine - ‘Explore With Us’ release sãhaira

Imphal, May 13

Tangkhul luiram hi tourism destination ãkha ngasã khavai panglãk eina ot mangã singda khaleiya Chiko Adventures wui magazine ãja Imphal wui Classic Grande li release sãhaira.

“Explore With Us” kaho Chiho Adventures na khuikashoka magazine hi Manipur Legislative Assembly wui Speaker Y Khemchand na sponsore sãda namkhamina da hãnga.

Tourism potential haklãk eina khaleia Tangkhul luiram wui khamathã chili ramkhayao bing chungmeida unglaga, ngalei hi okathuiwui tourism map li zangkhavaiwui ningrin eina Chiko Adventures kaho group hina thuikahai 2016 kumli ot mangã hi khuikaphokna.

chiko

Team china Tangkhul luiram wui tourism potential khaleia apam ngatateidali exploration vãlaga, apam bing chi expose sãlaga, chili ramkhayao bingli kathãda thãnungpaira khala kaji majukta, chiwui pheikar ãkha sãda magazine hi kaphongna.

Magazine chili Ukhrul district wui potential tourist spot bing list sãhaidalei, Ukhrul li yaokharãli vãyangphalungki kaji Top 5, Camping sãkhavai mathãmeithui kaji apam Top 5 hikathãthã hi chitheimihaida lei. Lãngmeida, Ukhrul li visit kasã tharãn kathãda angarãn-angayei sãkha phãmeithuira khala kaji maram bingla meikhaimihaida lei.

Ãjakum kala achãkum hakmahãlãk eina mayon kahai Shirui Lily State Festival li Chiko Adventures na tourism kala adventure activities khuikã kahaibing chiwui reportla magazine chili zangdalei.

Manipur, matailãk eina Ukhrul district, hi khamataia tourist destination sãda promote sãkhavai pheikar chiwui akai ãkha sãda Explore With Us kaji magazine hi kaphongna.

~Aja Daily
There are no comments for this entry yet.
avatar