Menu
Account Login and Registration
Go back » » 2018 » May » 16

“Go to Village” hi Ukhrul HQ li “Come to Office” eina mayon haira - AHTA

|Thotshang Shaiza|
Ukhrul, May 14

Manipur wui Chief Minister na “Go to Hill” wui program khuikakã hi phãhaira, kha chili matai khamei “Go to Khungang/ Village” kajiwui program alungli department bingna kha/ khali vãlaga development khuikã khavai program thuikahai 1st May thang wui eina haophokta Village kachungkhali mathalãk eina khuikãphok kahaina.

Ukhrul wui DCC South li khalei tang 13 wui vãng thuikahai date 8th May thang khuikakã program hili ningyang makhaung kala aming mãng eina program khuikakã hili All Hunphun Tang Association (AHTA) na maringkaphã phongkashok eina ngasoda otsak hili makhamashung zanghaira da paome bingli samphangda phongshok haira.

“Go to Village” kaji slogan hiwui athishurda Government Department matailãk eina scheme bing hi Village li khuivãlaga vãyao khamina, kha Ukhrul liva thuikahai 8th May thang tang-tangli mic eina vaolaga “Come to Office” da DRDA Hall, Mini Secretariat alungli program khuikakã hi yaruili kachipatna kala chithanghon yarui mi thing-thing pam khavai masamphang mada hanung kahai hi kakhalat makhalei amingmãng eina khuikakã program na da Chonmi Raleng, President, AHTA kala Khamung Mashangva, Secretary, AHTA na phongshok haira.

AHTA wui President na hãnga, Chingai AC wui MLA na thãnlaga Village to Village li development vãyangkasang chithãda 44-Ukhrul AC wui area li khuikakã program bing hili concern MLA na mazangla department wui representative bing mãngna khuikãda khalei hi mapung maphamana jihaira.

Ukhrul li tang 27 leida khalei hiwui population hi Tangkhul kha kachikathã liva Ukhrul HQ wui tang ãvavana chungmeikhar kajina. Hili tang/ tang li Go to Village wui program khuikãmiki kajiwui mahutli tang 10/ 20 li sak-kha eina sãmihai laga yarui mi chungkhameili hiwui kãnkhanã hi masamphang khangasak otsak hi makhamashung otsakna da Dickson Ngalung, V.P, AHTA na phongshok haira. Ãna hãnga, scheme samphangda khalei hi kachãmnao (deserving person) bingna masamphangla kathem-kashãngnao bingna sãkhuitheihaoda ãthumna samphangda lei jihaira.

Village to Village zatta khalei chithãda Hunphun wui tang 27 hili tang-tangli program khuikãmilu da AHTA wui phungva bing china eina government li saklãk eina ngakao haira.

Qr. Chonmi na ngarumsangda hãngluia, Ukhrul HQ li ‘prepaid electric system’ introduce sãkahai hina maram sãda shimlãk khipãnakha kayãngli light masharlui thuda ngayãshong kayang kala shongfa ngamiting eina leikahai hina makhamashung otsak kasã khali-kasha bingwui vãng advantage khuikapai thãda leikahai hi theilaga concern department na street light kala street solar light binghi darkar kasã apambingli thaklãk eina sangmi khavai sãmilu da media bingwui mangã eina ngakao haira.
~Aja Daily

There are no comments for this entry yet.
avatar