Menu
Account Login and Registration
Go back » » 2018 » September » 13

GP Women College wui Khare Batch na Ukhrul li 5th Guru Puja mayon haira

Imphal, Sept 12

1971-74 li GP Women College, Science Stream li tamkasã khare batch wui katamnao bingna Ukhrul li khalei Ql. Soso Shaiza wui shimli 5th Guru Puja mayon haira. Programme chi, atam chiwui katamnao bing china athumwui ojã bingli khayãkashi kala phaningkhaung sãda mayonkahaina. Atam chili tamkasã katamnao 50 wui alungli 45 na programme chili rãzanga. Athum kachungana department ngatateida service mikahai thili kachungana retire sãkahaina.

1971-74 chili GP Women College wui Botany lecturer sãkasã kala naolãk eina DM College wui Botany wui Head of Department sãda retire sãkahaiya (L) H. Nandiram Sharma na ayã kasuirak mawon sãthui kahai chili khayãkashi phongkashok sãda minute khani chingri eina mayon haira.

“HIV gi Shaklon” kaho L. Chitra na Meitei tui eina khaleng drama ãkhala, Programme host sãkhamiya Ql. Soso Shaizana release sãmi haira. Chitrana Meitei tui eina lairik khani kathum kapishok kahaina.

Ukhrulli khare sãda 1978 li Ukhrul Higher Secondary School wui Assistant teacher sãda post sãmikahaiya Uma Ningthouchamna, Ukhrul li pamda leilakhawui khararchãn pheichitheida, atam chiwui eina ngaheoyang laga, aruihon hili khangatei tarãkha leihaira da hãnga. Atam chili Ukhrul Higher Secondary School hi Manipurli mathãmeithui kaji school ãkha ngasãkasãna kala chili mayarnao eina shanao wui ngateihang kahaiya hostel kala Helipad la leisãya da hãnga.

Atam chili GP Womens College li lairik tamkasã Tangkhul shanao khanimãng kaji Ql. Chonmila Shimrah eina Ql. Soso Shaiza na Science Stream khuisãna da Chonmilana hãnga. Atam chili shokkahai bingwui khararchãnla ãna meisã eina pheichitheida, ‘Shingju’ shaikharum wui ringkaphã chila phongshokhaira.

Ql. Soso Shaizana programme chi rungkhamiwui vang L. Chitra, Convenor, Guru Puja 1st batch G.P.W.C. Sc Students (1971-74) nala ringkaphã tarãkha phongkashok eina ngasoda, programme chi kum kachida athumwui ojã bingli phaning khaung kala khayãkashi phongkashok sãda mayonrãching kahaina da hãnga.

~Aja Daily

Flat 35% Off On Web Hosting

There are no comments for this entry yet.
avatar