Menu
Account Login and Registration
Go back » » 2018 » August » 1

Ima Market wui ceiling leak sãdalei, septic tank plastic tank eina semmi haisai jihaira

2016 kum li neina panglãk eina kakhanukli kaikahai Ima Keithel chi repair sãda masangrang lakha, keithel chiwui ceiling li tara ngayenphok haira, chiwui vãng eina building chiwui alungli wot yorda leih sãda khalei bingli kalã kashi shokkapai apong eina leida lei jihaira.

Chili lãngmeida Ima Market Building No 2. wui waste management china zakshilãk eina leida lei kala building no 3 wui toilet chiwui ground floor chili shijin kapai septic tank maleimana jihaira. Septic Tank chi neina kakhanuk atamli kaikahaina, kha toilet kasem atam chili repair masãmithuwa da hãnga.

Wot yorda khalei pareinao bing chili mathei ngasakla, khangachã septic tank eina masemmila, tara sangkhavai tank eina install sãmihaisãya kala chi thuikahai zimiksholi tank bing chiwui ngachaili ãkha puithakahai eina khamakhao tarãkha longshok haira. Arui-arui pump shijinda khamakhao chi khuishok laga, drainage li chihosangda lei.

Hikathã condition khaleiwui vãng pareinao bingwui phasãli kazãt ngatateida rãkazã kapai apong eina leida lei kaji eina ngasoda repair kasã otsin chi makupsangla concern authority na, yaruili shijin khavai misang kahaina da wot khayor pareinao tarãkhana khangahãn sãhaira.

Chili lãngmeida Ima Market wui ceiling kala arãp chi apam tarãkhali kaishokphok haira. Kazing kharo atamli tara ngayensangda lei dala pareinao tarãkhana complaint sãhaira.

~Aja Daily

Flat 35% Off On Web Hosting

There are no comments for this entry yet.
avatar