Menu
Account Login and Registration
Go back » » 2018 » August » 1

Jiribam li alert vaoshok haira, security ngaziplãk eina haidalei

Imphal, July 31

Jiri li illegal migrant bing rãzangkapai khalei chi mashok ngasak khavai khuikã khangayi pheikar khuikãdalei jihaira. Jiribam wui SP M. Mubi na kathãna team ãkhana thãnda apam chili ngashun-ngayã mateila patrolling khuikãda yangsangmida lei.

Barak kongrei wui eina illegal migrant bing marãzang ngasak khavai boat shijinda patrolling sãda lei. Hithãran atam hili, State hiwui alungli leida khalei miyur-mijãt saikora na cooperation mida, ayarwui mi marãzang ngasak khavai police na ngakao haira.

Lãkhashong, Assam wui NRC list li makazanga bingli state hili marãzang ngasak khavai Jiribam li ngashar khavai vaoshokta, Jiribam Police na security measure ngaziplãk eina khuikãda lei. Jiribam wui eina Imphal li ungkazanga kharam khavã mibingli security personnel bingna mathãlãk eina verify sãda lei.

~Aja Daily

Flat 35% Off On Web Hosting

There are no comments for this entry yet.
avatar