Menu
Account Login and Registration
Go back » » 2018 » September » 13

Kazãt ngahã kazatli ngayinkhui khavai kachãma sheikashanao bingli khalem eina iwui shim chikãmida lei - Ql. S Ningkhalem

Imphal, Sept 12:

Ukhrul li kazãt ngahã khavai khangazana kala kachãmnao bingwui shimkhur eina kharã mibing kala sheikashanao bingli ngasãmkhui, ngayinkhui ngasak khavai khalem eina ngarãnmira da Ql. S. Ningkhalem na phongshok haira.

Ql. S. Ningkhalem na Ukhrulli media wui ot sãda khalei ãkhali khararchãn kasã tharãn phongshokta, “Blessed Home” hi state hiwui alungli leida khalei kachãm khangai shimkhur eina kharãbingna Ukhrul li ngasamkhui khavai kharã atamli chikãmiki kachina da hãnga. Alungtang, Ukhrul li, Home chi shomida arui-arui room phangã leidalei kala kachikathã mibingna ngasãmkhui khangai leiakha, Mobile number 8731991571 hili contact sãmida rida book sãmipaira da hãnga.

Ana, phongshokta, awui naomayara kathum sheisha laga mapharãtãsã lala, kalãshat ngatateida rãkashokli sheisha laga leida khaleina da hãnga. Awui mirin sipkasã chi, 1990 atamli, awui naomayara kakhaneli meina kakasui eina haophok kahaina, awui naomayara kharara chila kuingatok kazãt kazã kahaina kala, naomayara kagathumna chila accident kashok eina aja rãshungda bed eina mangakarthuila leida lei da hãnga.

Naongarãwui kazãt, arishang ngatateidali ngahãkazat atamli awui shimkhurna kapi kapam kala ari-arai khaloli lan tarãkha tingkahaina kaji eina ngasoda atam chili shimkhur china lan tingkahai chi shimkhur china maphungkharara otphun phungkahaina da hãnga.

Shimkhur china kasak tarãkha samphang kahai chi phaning laga, kachãmnao, khangazana shimkhur eina kharã kala sheikashanao bingwui kasak chi phaningmida, athumwui kazãt khangahãli zangkida khalei chi suitãmei ngasak khavai shimkhur china ngachonmira da ngaran kahaina.

Ana Vareli chihãnda okthuida, shimkhur chili Varena sokhami chi eina khangazanna bingli ngachonmira, kaji eina ngasoda arui-arui Council school ojã sãda khalei, zingkum 50 shakha kãshung kahaiya Ql. S. Ningkhalem na yarui wuivãng otram ngathakhami hi ningchanga da hãnga. Ana yarui saikorali ngakaoda ãkha eina ãkha leishi khangarok eina ngasoda state hiwui alungli leida kalei miyur-mijãt ngatateidawui alungli chingri eina pãnrum khavaila seihãsak eina ngakao haira.

~Aja Daily

Flat 35% Off On Web Hosting

There are no comments for this entry yet.
avatar