Menu
Account Login and Registration
Go back » » 2018 » September » 11

Mahadev hi awo-ayi atamli hokasã aming ‘Horsung’ eina hohaosa - UTRM

Imphal, Sept 10

Ukhrul-Imphal shongfali kãnching kaja, tampak ngashãn khavai apam, arui-arui ithum katongana Mahadev/ Phungren da theida khalei apam hi, awo-ayi atamli Horsung da hokasã chi eina hohaosada Ukhrul Town Road Movement (UTRM) na kasir haira.

Apam hili atam ãkhali kharam kazat ayãrwui mibingna khi hokhala kaji mathei thuda Mahadev rãphokmida, chiwui thot eina ãja rãshungda Mahadev horãda khaleinada hãnga.

Awo-ayina phokmi kahai aming shimãn khangasak hi ithumwui kashimãnna da UTRM na phongshok haira.

Imaram tui aming eina zatkhangasak kala awo-ayina phokmi kahai aming shikajin hina apam hi ithumwui ramna kaji theingasaka jihaira. Chiwuivãng eina arui arui Mahadev da theida khalei apam hi rida Horsung da hokasã chi eina hohaosa da UTRM na ngahot haira.

Hãngda khalei Horsung kaho apam hi Thoyee khawui ngaleina. Apam hili mi khangatei bingnala naomeida aming ngatateida phokmi kahaila leihaira da hãnga.

Ayãrwui mina Mahadev da rãphokmi haoda Thoyee ruichumnao bingna khikha maphaninglãkla kala mamajukla, ãthumna phokmi kahai aming chi shijinthui kahaina da ramnao bingna hãnga.

Awo-ayina phokmi kahai aming Horsung da kaho hi Thoyee ramnao bingwui kakahaona kala ningkachãngna da Thoyee Awunga wui lairik ãkhali phongshok haida lei.

Miyurna phokkhami aming maholuila, kha, apam hi awo-ayina phoksangmi kahai imaram tui eina ‘Horsung’ da hohaosa da UTRM na kasir haira. Apam hi Horsung hohaira da theikhavai UTRM na signboard shunkã khavaila ngarãnda leiya da hãnga.

Source: The Āja Daily



Flat 35% Off On Web Hosting

There are no comments for this entry yet.
avatar