Menu
Account Login and Registration
Go back » » 2018 » July » 2

Manipur wui lam Myanmar li misang khavai Centre na mayãkahaina kaji hi Rijiju wui statement china chithei haira - Joykisan

Imphal, July 1

Manipur lam akai kaikha Myanmarli mikasangli India shorkarna khamaya mihaira kaji hi Union Home Minister of State Kiren Rijiju wui statementna chithei hairada Manipur Pradesh Congress Committee na phongshok haira.

Khongnai ngalei Myanmarli ringphã ngasak khavai kasali Manipur wui lam sharuk kaikha misang kahainada MPCC wui spokesperson Kh Joykisan na phongshok haira. BJP wui sãshon na Manipurwui lam sharuk kaikha Myanmarli misang hailala Congress partyna kasainakha mapamhai mara. Yarui eina ngasoda kapanga pheikar khuira jihaira.

Tui hi aja Imphalwui BT Road li khalei Congress Bhavanli paomebingli samkaphang kazip akhali MLA Kh. Joykisan na phongkashokna. Ana hangluia, India kala Myanmarwui dharili phayat khangarok or machã khangarok malei manada Union Minister na phongshokta khalei hina kachitheiva Myanmarna Indiawui dhari lungli zangda Manipur wui lam lungli border pillar shungsang kahai chili India Government na khamaya mihaira kajina.

Manipurwui civil society organisation bing, political partybing kala yaruina Kwatha Khunouli yaorãlaga Myanmar na lam ngaponsang kahai chili mamaya khangai tui kayãkha phongshok kahai leisalala state kala centre shorkarna khikha matheimila khalei hi kalã kashina. Kathak atamli Manipurwui coalition shorkar hina issue hiwui pongli yaruili tharkhami mashungrada Joykisan na phongshok haira.

Lakhashong, BJP wui national President Amit Shah na state hili yaokhaung chi Manipurli leikashi eina maningmana. State hiwui eina kankhana khi samphangni khalada yaokhaungna da MLA Joykisan na phenhaira.

Paome bingli samkaphang kazip chili MLA Yamthang Haokip, MLA Okram Henry kala kateibingla razang haira.
~Aja Daily



Flat 35% Off On Web Hosting

There are no comments for this entry yet.
avatar