Menu
Account Login and Registration
Go back » » 2018 » September » 9

Manipur wui Naganao bingna pãnda khalei apam bingli shim kachida philãn kachar khaningkã haira

Imphal, Sept 8

Naganao bingwui tungli Human Rights Violate sãdakhalei chili ngasung khavai kala chingri kahai wui azak kachithei sãda, Manipur li pãnda khalei Naganao bingna shim kachida philãn kachar khaningkã ngarok haira. Naga ningkhãn samphang khavai shongzã hili Naga shanao bingna rotkhamarãt tarãkha ngasung kahaina kaji eina ngasoda ãja philãn kachar khaningkãda protest sãkahai chili shokrãda khalei thot bingli chikathã kasak samkaphang chiwui eina ngãkmi khavai kasãna da hãnga.

“Naga kaphung apam bingli philãn khaningkakã hi, ithumwui ringkhavai mashun khangatãnli khangama khangashao kashok chili makhamayã, ithumna chingri kahai ningchanga kaji okathuili chithei khavai kala Indo-Naga Peace process chili khayã kakã solution khuikharãli kakatom kachithei azak sãda khuikakãna” da Mrs Lungreila, Tangkhul Shanao Long wui General Secretary na hãnga.

Pheikar chi Naga Union Women na, National kala International Cummunity kala United Nations li ngakaoda, Indo-Naga Peace Process chili katommi khavai ngakao kahaina. Tangkhul Shanao Long wui Office Ukhrul li flag khaningkakã chili mi 200 lãngdana rãzanga.

Rairei kala communal crisis kashok thãran, shanao kala naoshinao bingna khamataiya victim ngasãdalei kajihi okathui wui thotrinchanli theirãkahaina, Shanao bingli matailãk eina target sãda athumwui makapen kala malung khavãt chi phongshok kahaina. Naga Hills kaja, Senapati, Mao Gate, Chandel, Tamenglong kala Ukhrul li Philãn kachar khaningkakã hina ithumwui protest haokaphokna. Ithumwui kakhani pheikar china shimlãk kala kha kachida, Southern Nagalim zangdali khuikãra da Naga Union Women wui Project Supervisor Thingreiphi Lungharwoshi na hãnga.

~Aha Daily

Flat 35% Off On Web Hosting

There are no comments for this entry yet.
avatar