Menu
Account Login and Registration
Go back » » 2018 » May » 14

MGNREGS athei mamathei thura- FATYCM

Imphal,May 13

Ngalei hiwui alungli launch sãkahaia MGNREGS Scheme hina kashãng-kachãm makhaila mi saikorali vãshungra kaji mathãmeithui kaji scheme ãkhana da khuiya, kaja khangatei scheme bingwui thãda thuikahai zingkum bingli Bureaucrat bing, kachichã shiwui MLA/ MP/ ADC bingna yaruiwui aming eina lizãkahai thãda masãmara da khuiya da Federation of All Tribal Youth Clubs Manipur (FATYCM) wui Secretary L. Haokip na mikashok lairik ãkhali phongshok haira.

MGNREGS hina kaphung District bingli khalei Village kala Town bingli reikasang khuirãmiya kaji hi shimlvãk katongali cover sãda khaleina. Scheme hiwui khamataiya theme chiya, local wui mibing khalattana work progamme chi singkakãwui vãng scheme chi athei khamathei ngasãngasakta khaleina da hãnga.

Kha BJP na kathãna shorkar hina Scheme hi mathãda function masã ngasakthu kajiwui vãng, khiwui vãng eina scheme hi atam kasãngkha masingkãla leida khalei khala kaji khangahãn sãphok haira. Thuikahai Congress Shorkar na scheme hi mathãlãk eina implement sãda otmangã tarãkha khuikahaina kaji eina ngasoda Congress na shorkar kaphung atamli mathãlãk eina implement sãkahai Scheme hi BJP na kathãna shorkar hina Manipur li atam kasãngkha implement masãla leida khalei chili FATCYM na panglãk eina makapen phongshok haira.

2018 kum alung zanghailala, Chief Minister N. Biren Singh na kathãna shorkar hina Scheme hi implement makasã hili yaruina ningkhamaong leiphok haira da FATYCM wui lairik chili hãnghaira.

Scheme hi implement makasã hina kaphungli pãnda khalei mibingli sãkaza leingasak haira kaja chãmmatailãk kahaiya mibing kachungana kaphung district bingli pãnda khaleina kaji eina ngasoda Manipur State hiwui mibingwui ningkachãng athishurda Scheme hi kathãkwui alungli khangachãwui thãda singkãmi khavai hãnghaira.


~Aja Daily
There are no comments for this entry yet.
avatar