Menu
Account Login and Registration
Go back » » 2018 » July » 2

Naga Integration mazangla chãn ngazek khuikakã kakhalat maleimana - GPRN

Imphal, July 1

Naga territory bing integrate kasã hi arui-arui khuikãda khalei Indo-Naga Political Dialogue wui khamataiya ãkai ãkhana kaji eina ngasoda, khare sãda British na khamung atamli, kala kakhane sãda India na Nehru wui azingli Naganao bingwui khamayã mazangla kala Naganao bingli mangasanla, India eina Burma wui azingli ngakai kazammi kahai chi accept masãpai mana da MIP na mikasok lairik ãkhali chitheimida lei.

Territory maleila wungram maleikapai thãda Naga Integration wui tui mazangla Indo-Naga Political chãn-ngazek khuikakã chi kakhalat maleimana da lairik chili ngarumsangda hãngluiya.

Nagawui ngakheikhang kahaiya thotrinchãn kala situation chi unique sãlãka kaji India shorkar na recognised sãmi kahaiwui vãng August 3, 2015 thang, GoI eina NSCN wui alungli Framework Agreement shoi sãkahaina, kala chiwui alungli party khanini na mayãngarokta, Naganao bingna pãnda khalei apam katonga integrate kasãhi Naganao bingwui mahorhai kapaiya mashunna da recognised sãkahai eina ngasoda, hi political democratic process eina chamkhanã khuirã khavai mayãngarok kahaina da hãnga.

Zingkum 21 negotiate sãra kahai hiwui alungli India eina Naganao bingna South East Asia wui rarmeithui kaji political problem chi resolve sãkhavai sãda political dialogue chi khanaowa tuikup khuirã khavai sãda khalei atam hili, akui akhamei matheila, peace process chili sheikhaut khavai kasã chili tolerate masãlui mara da lairik chili hãnghaira.

Hiwui alungli Nagaland State Chief Minister Mr. Rio na Naga Territorial integration wui maramli ‘irrational kala irresponsible’ remark mikahai chi, Naga National cause li direct challenge kasã kathãna. Naganao bingwui legitimate rights chi khalattawui maikhayã khuikhavai open market li barter sãkida ã khipãkhala? Khalattawui political ambition wui vãng Naganao bingwui expense eina attempt kasã chi Naganao bingwui sentiment li insult kasã kathãna.

Kashokshok saikora Naganao bingna katang eina tangda ngasungra. Saklãk eina ngatankhui kahaiya Political achievement hi, kachotkachang kala Naganao wui naongarã kala nongalãva ngarã tarãkhawui manglã chikatta ngatãnkhui kahaina. Chiwui vãng eina Naganao bingwui thotrinchãnwui maramli mi khipãkha nala pailãk eina matuikhavai mipha kala organization bingli license mamihai mana dala hãnghaira.

Naganao bingna athumwui khalalei apamli Political language ãkha eina machukta matuiki kajina kala kachina khamashung kala khangwui khala kaji theikhuida pinglãk eina kala khamashung eina leikhavaila hãnghaira.

Khangachang eina tangda nganingra kaji eina ngasoda Naga wui historical rights chi kalikha eina tangda compromise masãlãk mara kala, Naga cause kala history li betray sãkhavai khangaran bingli kachilikha eina tangda mayangkateolãk mara dala hãnghaira.


~Aja Daily

Flat 35% Off On Web Hosting

There are no comments for this entry yet.
avatar