Menu
Account Login and Registration
Go back » » 2018 » June » 1

Naga Tuikup thãkta khuirãmi khavai rãkhara 2nd June thang Ukhrul li yarui Rally zatkida lei

Thotshang Shaiza|
Ukhrul, May 31

Indo-Naga Peace Talk wui ot mangã khuimamãnda akuplam hili Indian Government na yansang kahai thada kapam hili khamathot kala Naga wui malung kharing kachithei sãda 3rd August 2015 wui political issue, Historic Frame Work Agreement chili base sãlaga Tangkhul yarui longnao bingna thãnda rãkhara Saturday (2nd June, 2018) thang Ukhrul district headquarters li peace rally zatkhavai ngarãnkupser haira.

Ãja Tangkhul Naga Long (TNL) President Qr. V. Weapon Zimik kala ãwui phungva bingna Ukhrul District wui paome (journalist) bingli ãwui office li briefing kasãli, atam kashakha yaruiwui khon machitheila chingri eina pamthui kahai hina Indian Government wuivãk ning kakharik makhalei thãda, Indo-Naga political tuishot hili sakta makakhui, finalize masãkhami hi Tangkhul kala Naga ruichumnao ithum saikorawui kashimãn haklãk eina leihaoda, chãn ngazek hi thãkmeida kupsang khavai kaji hi ithum saikorawui ot-ngarut ãkha sãda saklãk eina khuikhangayi otmanga ãkhalãka da phongshok haira.

Maram hiwui vãng eina rãkhara Saturday, June tarik 2 thang wui ngathor 10:30 am wui eina haophokta Rally zatkhavai TNL na thãnda ngarãn kahai athishurda Azingshong wui mibingna Dungrei Junction li kazipkhui laga zatphokra, kala atungshongwui mibingna TNL Ground li kazipkhui laga Mini-Secretariat kayãngli yarui meeting ãkha khuikãra jihaira.

Yarui meeting chili United Naga Council (UNC) wui President Gaidon Kamei, Tangkhul Shanao Long (TSL) wui President Ql. Grace Shatsang kala TNL President Qr. V. Weapon Zimik ãthumna kasha tui matuimi laga yaruina Memorandum ãkha Prime Minister of India li Deputy Commissioner, Ukhrul wui through eina misangrada chitheimi haira.

Rally kazat zimiksho chili business transaction kala dukan katonga ngathor 10:30 am wui eina shungserda kala tantak khãmda thang zimikshokha hi Naga tuishotwui vãng ngalang khami eina ngasoda yaruina ichichã ramwui ngashan, kashan-kachon, sari saksãda rally hili sharuk khuingarumsersa da Qr. Weapon na ngahot haira.

~Aja Daily

Ads: Create Free website for yourself. Music website, Photography website, Forum websites, Personal Blog, or even an E-Commerce site Create Now.

Flat 30% Off On All Web Hosting

There are no comments for this entry yet.
avatar