Menu
Account Login and Registration
Go back » » 2018 » September » 28

NSCN-K wui ex-Chairman Khango Konyak li India hanung ngasak khavai Centre na majukta lei

Imphal, Sept 27

NSCN-K wui former Chairman Khango Konyak li party chiwui Myanmar base na khuishok kahai thili ali India li hanung ngasak khavaiwui pongli centre na ngasan ngayei sahaira.

Thuikahai 2015 kumli Prime Minister Narendra Modi na kathãn Union Cabinet na NSCN-K hi Unlawful Activities (Prevention) Act wui azingli zingkum phangã wuivãng thingmi kahaina.

NSCN-K wui Founder Chairman S.S. Khaplang na atam kasangkha kazãrakahai thili 2017 wui June li Yangon wui hospital akhali mangahãrarla mawon sathui haowa. Khaplang na mawon sathui kahai thili party hiwui Chairman sãda Nagaland base wui eina Khango Konyak li Chairman sada kapang kasangna. Kha ajakum Khaplang wui ara kashok Yung Aung (Myanmar base) hina Konyak li party wui eina khuishok haida ana party wui chairman sakahaina.

Konyak hi arui arui Myanmar border li Indian vãk makanzang khavai Indian Authority bingwui eina khamayã ngaraida khaleina. Issue hiwui pongli centre na meeting ngatateida khuikã laga Konyak hili India li hanung khangasak na phãnika maningakha ãhila ban group akha sada thingkahaina phãnikhala kaji ngasanrumda khaleina. Kalikha sada ãli Indian vãk zangngasak haiakha china India Authority bingli kankhana leirala kajila machukrum haira da senior government official akhana The Hindu paoyoli phongshok kahai leihaira.

Qr. Konyak na arui arui Myanmar border li Indian Authority wui khamayã ngaraida lei kaji chi shenglak eina theikhui khavai Nagaland wui Deputy Chief Minister Y. Patton na messenger chihovã haira da pao china hangluia.

“Ithumna ãli Nagaland li khuiung khavai ngaranda lei...kha hiwui problem hiya ãwui kaphaning athishurda vaimara kaja ãna NSCN-K li pamthathãrãga maningakha India li hanung laga ceasefire li join sarakhala kaji tuimana” da Patton na phongshok haira. Ana hangluia, NSCN-K li ithumna aruila ceasefire li rãzang khavai ngakaoda lei. Hiwui pongli K wui shong eina khi ngahankãni khala kaji ithumna ngaraida lei kala hi otsak eina sãshok khavai honda lei da Patton na hangluia.

Atam hithãrãn, Khango Konyak na claim kasãwui athishurda awui azingli aruila NSCN-K wui kashurra kachungkha leida lei kala athumbing china party hiwui eina shokthui haikapaiwui apongla ngaranda lei jihaira. Lakhashong jiakha awui azingli kashurra shini mangna ot sakrumda lei kajila pao khangayao leihaira. Kha hiwui kashenga chia ana hanung kahai thili ngarakzak kahai chi theinaorã da official pao china hanga.

Thuikahai August 16 thang Myanmar wui Sagaing region li khalei Council HQs wui eina chiho kashok statement akhali, Konyak li khuishok kahai hi ãna party wui shiyan chikan li chonmakan kahai wuivãng chairman wui post eina party minganin bingna khokha sada mayãngarok laga khuishok kahaina da phongshok kahai leikahaina.

Panpai, 2015 kum li NSCN-K na Manipur wui Chandel District li ambush kasã eina Indian Army Personnel 18 sãthatmi kahai otshot leikahaina. Otshot chiwui thili Indian Army na Myanmar border li operation sakchangda khuikã laga extremist bingwui camp kachungkhala sashimanmi kahai leikahaina.
~Aja Daily



Flat 35% Off On Web Hosting


There are no comments for this entry yet.
avatar
Website Traffic