Menu
Account Login and Registration
Go back » » 2019 » January » 12

Qr. R. Chance li Divinity Degree wui Doctorate mihaira

|ÃJA| Imphal, Jan 11

Mapao Zingtun Village, Manipur wui Rev. Ayui Raman wui naomayara R. Chance li Divinity Degree wui Doctorate, International Association for Theological Accreditation (IATA) na mihaira. Qr. Chance hi 1992 li shim pãnkahai thili, Vare wui wungram wuivãng otram ngathami khavai chikat kahaina kala awui pareiva Ql. Angam li ngasoda Manipur wui yaron-ngalã bing kala North-Eastern State bingwui apamli ot sãda, Vareshi shim sãkã khavai ot sãmi kahaina kala chiwui alungli shimkhur 20 lãngda li kathara shakzat khuimi kahaina.

2004 kum li ãni pareigaharnina kachãmnao bingwui shim ãkha shomiya kala chikum chili Mapao Zingtun li Needy Home Academy kaho residential Home ãkha shomiya. Arui-arui home chili katamnao 444 shakha leidalei.

2014 kum li “Equipping Centre for Christian Workers” ECCW, Dimapur li shomida, local church worker tarãkhali ãpam chili training mihaira. 2016 lila Chance kala awui pareiva Ql. Ngamreila Raman na Imphal li ayi-kasãr bing wuivãng Needy Home ãkha shomiya.

IATA hi 2004 li lingkã kahai kala okathui ãpam huptali ot sãda khaleiya, theological/ counselling education wui International AccreditingAgency ãkhana. Hi okathui wui theologian kala educationist bingna govern sãda khaleina kala IATA hi Atlanta, Georgia, USA li international office leiya. Chili lãngmeida, Gazole, Kolkata lila Asian Office leida khaleina. IATA li member kasa colleges/ seminaries/ institutes hi 170 leida lei.

~Aja Daily



Flat 35% Off On Web Hosting


There are no comments for this entry yet.
avatar