Menu
Account Login and Registration
Go back » » 2018 » June » 1

Qr. R Wortam li TKLI wui President sãda kapangkãluishit haira, Ls. Rinsophy Chamroy na Speaker kadhar sãhaora

Imphal, May 31

Ãja May 31st thang Tangkhul Katamnao Long Imphal (TKLI) wui general election khuikãda Qr. R Wortam li longnao hiwui president sãda kapangkãluishit haira, kala Lashiyo Rinsophy Chamroy uncontest eina Speaker pam samphang haira.

Ãja Lanthungching Village Community Hall, Imphal li khuikakã election chili, President pamwui vãng Qr. Yarchuiso Kashung (Chingmeirong Unit), Qr. R Wortam (Dewlahland Unit) kala Qr. Thangmeiyo Ramror (Lamphel Unit) ãshi kathumna nganinga. Ngathor pung 10 wui eina pung 12 eina tangda khuikakã election chili TKLI wui federating unit 16 wui eina vote khani rip sangarok kahai chili Qr. Wortam, s/o Qr. R Shivam na vote 16 samphangda yuikahaina.

Kala Speaker post wui vãng minganing ãkhamãng haokida Ls. Rinsophy Chamroy (Langol Unit), d/o Ningmi Chamroy na uncontest eina kãhaira.

Ãni khanili Chief Election Commissioner Qr. Chipemmi Keishing na Certificate of Election ngarãnmida ãnina longnao hiwui kathãnna sãda phungvãki kaji ot mangã kachivali athei khamathei ngasãda TKLI mangã vãmei ranu da chãnpao hãngchiphun haira.

Ãja khuikã kahai election chili Qr. Thotasheng Shanglai, MADC Ukhrul; TKLI wui Advisor Qr. YL Filson, Ex MADC Ukhrul eina Qr. Luckyson Kashung, MCS, Joint Secretary, GoM; Qr. Ningam Siro, MPS, Deputy Commandant, IRB; Qr. Pamreiso Raiping, Tribunal TKLI; Shimthar Jajo, Legal Secretary, ATSUM; Qr. Lovejoy Shimrah, Education Secretary, ATSUM; Qr. Wisdom Shanglai, ex-president TAKL; kala Qr. Haorei, ex-general secretary, TAKL ãthumna observers sãda haokaphok eina result declaration eina tangda yangsangmi haira.

Qr. Thotasheng Shanglai, MADC Ukhrul na dharlãk eina kapangkã kahai president kala speaker li congratulate kasã eina ngasoda, member kachivana khokha sãda ot mangã khuikhavai kasatsangmi haira. Thuikahai atamli kachikathã khangwui shokkahai leisãlala, chi malaihai laga, society wui vãng ningsanglãk eina ot sãkhangarum hi katongawui ningrin ngasã phalungra jihaira.

Qr. YL Filson, Ex MADC Ukhrul nala TKLI wui advisor ãkha sãda, election hi free and fair sãda tharzãri eina khuikã kahai chili masotmi haira. Yuikahaia presidential candidate chili congratulate kasã eina ngasoda, makhayuia candidate khani chinala katamnao saikorawui interest wui vãng idea khaleilei chi khuishokta president eina ngasanrum khavaila katomsangmi haira.

Revd. SP Mahaphang, Pastor, Lanthungching Baptist Church, Imphal na kapangkã kahai minganin khani chiwui vãng seihã sãmi haira.

Atam hitharãn, Election Commissioners Qr. Sorormi Tuithung kala Qr. Chipemmi Keishing na, ãjawui election mapung phalãk eina khuikã kahai chiwui vãng, yãng-atam chikatmida katommi kahai volunteer bing, federating unit wui member bing, observer bing, advisor bing, candidate kala ãthumwui agent bing, katongali ningkashi kala ringkaphã phongshokta lei. Lãngmeida, MADC Qr. Thotasheng Shanglai na election wui proceedings li shijin khavai Lp. 5500/- shokmida mapung phalãk eina khikha khavãt maleila kupsang kahai chiwui vãng ningkashi phongshokta lei.

~Aja Daily

Ads: Create Free website for yourself. Music website, Photography website, Forum websites, Personal Blog, or even an E-Commerce site Create Now.

Flat 30% Off On All Web Hosting

There are no comments for this entry yet.
avatar