Menu
Account Login and Registration
Go back » » 2019 » January » 12

Rinrumlan Organic Producer Company wui Ukhrul Outlet dharkat haira

|Thotshang Shaiza|
Ukhrul, Jan 11

Western Area Village shini wui khangaruma farmers 500 na kasema “Rinrumlan Organic Producer Company Limited” na ãja Ukhrul Wino Bazar li Organic Outlet ãkha shohaira.

Aja ngathor pung 9:00 am katã atamli Inaugural Program of Organic Outlet da Tangkhul Naga Long Hall li khamayon chili Th. Shyamkumar Minister Forest li masowo sãmikhavai sanghai kasa chi ãna makakã wuivang eina N.Premananda Singh, Mission Director, MIDH H&SC Dept. Manipur na masowo sãmida shomi kahaina.

Masowo china matuimida, Organic Farming hi tui kadhar maning mana kha ãwo-ãyi na mathalãk eina shiyan-chikan yanglaga Organic Farming sãkasã chili khanuithot ithumbing hina matung-makan laga chemical shichin laga heiwun chungmei khavaida hotkhanãli quality makhaleiya, phasãli sãzakapai athei shirai kala hanthing-hanrã ngasã kahaina, ãja Rinrumlan Organic Producer na company semlaga hikatha ot mangã khuida khalei hili yaruina masot khami eina ngasoda katom ngayiya da hãnga.

Hopingson A. Shimray, President Tangkhul Naga Long na function hiwui President akha sãda katomsang mida, Tangkhul Naga wui thingphun luivat hili ayãr ngaleibing wui eina khuikhaung chemical shijin laga ithumwui original organic athei shirai shiman mamanda khalei atam hili Western Tangkhul wui 7 Village na ngarum laga otyur mati organic produce sãda khalei hili masot kachungkha mi-ngayiya kaji eina ngasoda khangatei khabing nala hikatha otsak hi tamkhui ngayiya.

Thot hili ithumna chemical kazang kasak-kazã eina kazãt yur kachungkha mataisang mamanda khaleina. Hikathã atam hili Rinrumlan Organic Company na Outlet sholaga otganic wot yur samphang ngasakta khalei hi yarui katongana katom ngayilak kahai otmangã ãkhana da phongshok haira.

Function hili Ukhrul ADC wui Chairman Qr. Yaronsho, TSL wui President Grace Shatsang kala TKS wui VP nala sharuk khuingarum haira.

Rinrumlan Organic Producer Company Ltd. hi western village shini kaja, Hoomi, Kachai, L.Phungdhar, Maichon, A. Changta, Tanrui kala Sirarakhong bing wui eina luikhavanao 500 na kasema Company akhana. Athumna otyur mati Lemon, King chilly, Turmeric kala ginger hibing hi produce sãda zingkum kathum kakahaina kha ãjakum 2019 wui eina Company semlaga Outlet (Dukan) hi ãja Tangkhul Wungnao Long Building, Wino Bazar chili shokahaina. Hiwui Managing Director V.Tuimi Lolly na yaruili kala program hili sharuk khuimi kahai katongali ningkashi tui matuimi haira.

~Aja Daily



Flat 35% Off On Web Hosting


There are no comments for this entry yet.
avatar