Menu
Account Login and Registration
Go back » » 2018 » May » 17

Shija Hospitals kala NMH, Nagaland na RBSK wui vãng MoU shoi sãngarok haira

Imphal, May 16

Shija Hospitals & Research Institute, Imphal kala National Health Mission, Nagaland khanina Cleft lip and Cleft Palate, Congenital Heart Diseases (CHD), Developmental Dysplasia of the Hip (DDH), Congenital Cataract, Congenital Deafness, Retinopathy of Prematurity, Otitis Media, Dental Carries and Vision Impairment hikatha wui lamli Rashtriya Bal Swathya Karyakram (RBSK) wui azingli surgical treatment khuikã khavai Memorandum of Understanding (MoU) akha shoi sãngarok haira.

Hangda khalei agreement azingli RBSK wui beneficiarybing kaja kaphara wui eina zingkum 18 eina tangdawui lungli khalei naoshinao bingli atungli hangkahai sheikasha (birth defects) khaleibingli Shija Hospitals, Manipurli treatment facilities samphang ngasakra. Hikatha khutong kacha samphangkapai Nagaland wui beneficiarybing hi RBSK Nagaland na refer kasã ngasaki kajina. MoU shoi sakhangarok hi Dr. Kh. Palin, CMD Shija Hospitals kala Dr. Kevichusa, Mission Director (NHM), Nagaland na Mission Director (NHM) office, Nagaland li sakhangarokna. Shoi sakhangarok wui kazip chi Dr. Thanghoi Lam, State Programme Officer (NHM) Nagaland kala Dr. Khriesi Sachu, Nodal Officer RBSK (DHFW) Nagaland khaniwui mangali sãkhangarokna.

Panpai, Shija Hospitals & Research Institute hili Nagaland Government na 2006 kum wui 2nd March eina thuida Nagaland State Govt. Employees kala athumwui dependant bingli medical treatment khuikami khavai enrol (empanelled) salaga khaleina. Hieina ngasoda RBSK Manipur nala Shija Hospitals hili zakmai theimida 0 to 18 years lungli khalei, birth defects khalei naoshinao bingli treatment samipai khavai khamaya mikahainada Shija Hospitals & Research Institute Pvt. Ltd. wui AGM-Operations & Business Development, Santosh Shekhar na aja chiho kashok lairik akhali hanga.

~Aja Daily
There are no comments for this entry yet.
avatar