Menu
Account Login and Registration
Go back » » 2018 » April » 12

Shirui Lily Fest atamli Zam Khor mayorpai mara, MRP li mataimeida wot mayor pai mara - TNL

|Ningthemngam Shimrah| Ukhrul, Khaying 11 : Ungrãda khalei April 24th wui eina 28th eina tangda sãkida khalei kakhane Shirui Lily State Level Festival atam hili zamkhor ãkhala mayorpai mara kala wotyur bingla MRP li mataimeida mayorpai mara da Tangkhul Naga Long (TNL) na khak shokmi haira.

Thuikahai April 10th thang TNL na rungmida frontal organisation bing eina Shirui khawui minganin bingna rãngarumda TNL Hall li khuikakã meeting chili tuilep hi kakhuina da hãnga.

TNL na chithei khami athishurda, Shirui Lily festival khuikakã hiwui khutong kachã khuida khipãkhanala Tangkhul luiram li zamkhor kala katei marip kapai wotyur bing ãkhala mayorpai mara kaji hi meeting chili member kachivana thuklãk eina majuk ngarum laga khokha sãda mayã ngarok kahaina da hãnga.

Tangkhul longrei bingna khuikahai tuilep hi TNL na thãnda frontal organisation kachivana munlãk eina yangsangra jihaira.

Lãngmeida, phanit khamayon atam hili kachikathã dukãn or stall kasho bingna, ãthumwui wot-yur chili kapisang kahai Maximum Retail Price (MRP) chiwui eina mataimeida wot ãkhala mayorpai mara jihaira.

Kachikathã mina, atungli chizami kahai chi mahengsangla sãzatsã akha, ãthumwui tungli kasaka action pãnra da TNL wui General Secretary Qr. Vareinam Gachuiwoshi na shoi sãlaga mikashok lairik ãkhali chitheimida lei
~Aja Daily



Flat 35% Off On Web Hosting


There are no comments for this entry yet.
avatar
Website Traffic