Menu
Account Login and Registration
Go back » » 2018 » September » 9

TNWL na TNL li Khangsung Maramli Tharkhami

Office Of The Tangkhul Naga Long (TNL)

TNWL na TNL li Khangsung Maramli Tharkhami
Ukhrul, the 7th Sept, 2018

Qr. As Vaomi eina Qr. DS Zimik na Tangkhul Naga Wungnao Long (TNWL) wui aming ngakhum laga TNL kaikhavai ngarãn zatta khalei maramli TNL phungva sitting dated 04/09/2018 tuitak No. 1 athishurda Tangkhul ruichumnao saikorali tharkhamina, chiya:

1. Date 07/07/2018 thang Qr. As Vaomi eina Qr. DS Zimik li TNWL na TNL li co-operation mami marada local paperli phongkahai chi July 2018 wui alungli makhalanshok akha TNWL wui President kala General Secretary na kaji recognise masã mara kaji officially serve sãkahaina.

2. TNWL Ngachashing Longshim dated 22/08/2018 tuitak No. 3 na TNL Riyanli khangasung bing, chiya, Akham-IV Article-6 LONGSHIM MINGANIN KAGAPANG. Minganin leida khalei bing hi within 15 days wui alungli withdraw sãkhavai kala marãzangrang kaji kha binglila kathing. Akhum-VIII Article-16 TNL/ LONG PHUNGVA (i)(d) Phungvana hakasang (e) Longphang Longphangna chiho kakã phungva khani (2) bing hi khana kachãng ãkhawui alungli call back sãkhavai, Akhum-XXVIII Article 67 (vii) khana shangashai mirãn bing hila khathing kala TNL Ngachashing Longshim 2018 wui tuitakna Longshim Minganin 2018-2022 wuivãng additional shomi kahai hili mavãzang khavai khangasungna/ kathingna.

3. Indo-Naga peace talk mangãvãlãk eina zatta khalei atam hitharãn Tangkhul kaikacham khavai yangkashi bingna ngarãn zatta khalei hili AS Vaomi eina DS Zimik na khutlai ãkha sãda AVÃ KHARAR wui hometown kaikacham khavai kala pangapãlãk eina leikhavai ngarãn zatta khalei hi mangayi thura. Yur ãkhali khangasung otsak kala hili Tangkhul khawung bingna bhãptãlãk eina TNL makai khavai ngarãnmiserlu.

Atungwui maram saikora hiwuivãng TNL phungvana AS Vaomi eina DS Zimik hi TNWL wui President kala General Secretary na kaji matheimilui mara. Ãnina ngakaishida TNWL wui self style President & General Secretary na da TNL li khangasung otsak sãkashok saikora mazatnã mara.

Tangkhul wuivãng ot sãshok-kahai saikora president kala phungva TNL wui chonkhamakãn/ khangui khikha malei mana kaji yaruili tharkhamina.

Sd/- V. Weapon Zimik, President, TNL


~Aja Daily

Flat 35% Off On Web Hosting

There are no comments for this entry yet.
avatar