Home » 2018 » April » 9 » Ukhrul District Hospital li tara mathãda samphang ngasak milu da DLSA Ukhrul na H & FW Minister li ngakao haira
12:43 PM
Ukhrul District Hospital li tara mathãda samphang ngasak milu da DLSA Ukhrul na H & FW Minister li ngakao haira

Imphal, Khaying 8: Manipur Government wui azingli khalei District Legal Services Authority (DLSA), Ukhrul na Health and Family Welfare Minister L.Jayantakumar li lairik akha misangda arui arui District Hospital, Ukhrul li tara masamphang mada kachot tarakha ngasungda khalei hi vanngasak khavai ngalangda mikyan zangmiluda ngakao haira.

DLSA, Ukhrul wui Secretary Qr.Alek Muivah na shoi salaga mikasang lairik chili hanga, District Hospital, Ukhrul li khalei Legal Aid Clinic li attach kasã Para Legal Volunteers (PLVs) na mikharã report akhali hangda khalei District Hospital hili tara samphang khavai running water facility malei mana. Hina maram sada doctors, staffs kala hospital wui kakazãnao bingli khutong makacha tarakha ngasung ngasakta lei jihaira.


Ukhrul Hospital

PLVs wui report china chitheimilui kashitli, hospital li kazãt ngahãpamda khalei kakazãnao bingna ngacheershim kathãli kala katei darkar kasali mineral water lokhui laga shijin ngarokta lei. Hospital hi tharzari eina kala phasa phãkhavai apongli haishap khavai kasali tara samphang khangasak kaji hi matailak kahai akhana. Chieina hangda khalei darkar kasa tara masamkaphang eina, hospital staffs kala doctorbingna hospital hiwui residential quarterbingli mapam khangaila rashungda ngasakpai jihaira.

Hithada sada staffs, doctors kala matailak eina kachamnao kakazãnao bingwui khangakao hi vanngasak khavai permanent arrangement akha maleirang lakha eina tangda minister wui department na kachi katha ranyei akha singkãmida Autonomous District Council, Ukhrul; SP Ukhrul District, CO-6 MR, Ukhrul; CO-27th Assam Rifles, Somsai, Ukhrul; EE, PHED, Ukhrul Division kala CO, BRTF, Ukhrul li request samida rotation basis li water tanker service bing ngalangda leingasak khavai ot singkãmi luda lairik chili ngakao hairada hanga.

Category: Tangkhul | Views: 33 | Added by: tangkhul | Rating: 0.0/0
Total comments: 0
avatar
close