Menu
Account Login and Registration
Go back » » 2018 » September » 13

Ukhrul district li khavãt leida khalei, kala ithumwui kharar ngahong li sãza ngasakta khalei hi ithum ngasungrumsa - ICHAM, KLUT

Imphal, Sep 12

Information Centre for Hill Areas Manipur (ICHAM) eina Kajami Long (senior citizens) Ukhrul Town (KLUT) na Ukhrul district alungli khavãt leida khalei kala ithumwui environment/ nature li sãzada khalei bing hili concern leida ãja Imphal wui Kekrupat li khalei ICHAM wui office li longnao khani hina paome bingli ngahotta mari khalei authority bingli appeal sãhaira.

Press conference chili Ukhrul district wui communication system, education system, kharar-ngahong li sã khareng, khãi kaphã, development program wui file bing process masãmila pending eina haimi kahai, lãngmeida ADC member bingli pamkhavai apam mangarãnmila evict sãmi kahai hikathãwui maramli meikhai chithei haira.

ICHAM wui President Qr. Yuimi Horam kala Kajami Long wui Secretary A Hongva na hãnga, Ukhrul Town alungli leida khalei shongfa hi thuikahai February/ March kachãngli semhai laga kachãng 2/3 makãrang lakha kaiser haida gari kala mi mathãda mazatpaila leihaira.

Headquarter hiwui eina ram-ramli ungkhavai shongfabing eina tangdala thuikahai kachãng bingli kazing kharo eina minserhai laga masemmi mada gari mazat kapai apamna chungmeida lei jihaira.

Education system shong jiakha district hili leida khalei Government school school bing hili full fledged headmaster maleila incharge mãng eina leida, school ojã 4/5 mãng haimida lei, hina kathãda school chi matik chãlãk eina run sãpaira khala jihaira.

Hina maram sãda Ukhrul wui lairik katamnao bing hi lairik tamngailãk eina matamkhuipaila ãthumwui wortamli sheishada pamhaira da ICHAM kala KLUT na makapen phongshok haira.

Kharar-ngahong mei thot chingda khalei hi ramnao bingna ngasãmmi khavaila longnao khani hina appeal sãhaira. Kong kala rayiluili hi kakhayi ari-arai, bomb/ explosive, battery/ mei (power) eina khãi phãda khalei ãsak-avãt hila ngasãmmi khavai ngahot haira. Naomei singlaga sã khareng, airgun kala poison sangmi laga vãnao kakãp hina ithumwui lan ngasãda khalei sãyur-vãyur kachungkha shimãn ngsakta lei jihaira.

District hili singkã khavai development work program bingwui file hila atam chalãk eina process masãmila mari khalei authority bingna pending eina haimiser kahai hi kathãk alungli process sãmida, kaphung apam bing hili reikasang ot mangã khuikã ngasaklu da longnao khani hina shorkar li media wui mangã eina ngakao haira.

Lãngmeida, arui arui Khuman Lampak li leida khalei ADC minganin 6 li, pamkhavai alternative mangarãnmila namda eviction order milaga kasham kahai hi makhangayi ãsak-ãvãtna da maringkaphã phongshok haira.

State government na khayãshi ngayilãk kahai ADC member bing chili kathãk alungli ãthumwui pamkhavai apam ngarãnmi phalungki kajina da panglãk eina kasir haira.

Ãja ICHAM kala Kajami Long Ukhrul Town na media wui through eina yarui mangãli khuishokmi kahai concern bing hi mari khalei authority bingna bhãp tãkhami eina ngasoda khuikhangayi action khuimida, ithumwui ngalei kankhuida reikasang khuirã khavai sãrumsa da ngakao haira.

“Arui arui ithumna face sãda khalei climate change, air pollution, water pollution, hikathã hina kazãt zakkashi shokngasakta, mi kala sãyur-vãyur thida lei. Hi ithum katongawui concern na da phaningmida ithum ngasungrumsa,” da ICHAM wui President Qr. Yuimi Horam na ngarumsang haira.

~Aja Daily

Flat 35% Off On Web Hosting

There are no comments for this entry yet.
avatar