Menu
Account Login and Registration
Go back » » 2018 » September » 28

Ukhrul FC wui Jersey, Youth Academy launch sãhaira

Ukhrul li khalei Ukhrul Football Club wui Jersey kala Youth Academy launch sãmi haira. MPI Cafe Lounge li khuikãkahai function chili Mikpingla Industries wui Managing Director Achui G, Shatsang na Club chiwui jersey chi unveiled sãmiya. Mikpingla Industries hina, rãkharã October 6 eina thuilaga October 20 eina tangdawui alungli New Delhi li ngareokida khalei North East Tamchon Football Tournament wui 12th Edition wuivãng, Ukhrul FC wui sponsor sãmida khaleina.

Programme chili Ukhrul DC wui board member Jubilate Kazingmei, Arthar Shimray, Somipam Lungleng, Ukhrul FC wui player bing kala Mikpingla Industries wui official eina staff bingla rãzanga.

Jersey unviel sãmikahai thili, Ukhrul FC Youth Academy la Sacred Heart, Hamleikhong li Rev. Dr. Dominic TS. Principal, Sacred Heart Higher Secondary School na launch sãmi haira. Academy chili arui-arãshungdawui alungli katamnao 35 na enrol sãhaida lei kala class chi ãkhama haophokhaora da hãnga.

Ukhrul FC wui Technical Director Reisangmi Vashum na phongshokta, Ukhrul FC eina Tiddim Road Athletic Union (TRAU) wui alungli September 29 thang friendly match ngareo khavai ngaranhaida lei da hãnga. Match chi club khaniwui alungli ngashikmei khavai kala Ukhrul FC palyer bingli New Delhili ngareokida khalei North East Tamchon Football Tournament wuivãng ngaran khavai kasãna da hãnga.
~Aja Daily



Flat 35% Off On Web Hosting


There are no comments for this entry yet.
avatar
Website Traffic