Menu
Account Login and Registration
Go back » » 2018 » August » 7

Ukhrul lila Katamnao bingna rally zathaira

Imphal, Aug, 6

Tangkhul Katamnao Saklong (TKS), Hunphun Katamnao Long (HKL) kala Thawaijao Hungpung Young Students Organization (THYSO) li ngarumda, Ukhrul District Headquarter lila ãja kazing panglãk eina kharowui alungli lairik katamnao bingwui Mass rally zathaira.

Kachãng khani lãngda Manipur University Students Union (MUSU) na thãnda, Varsity chiwui alungli financial irrigularity, kala issue ngatateida khaleiwui vãng protest sãrã kahaina kala china katamnao bingwui mirin sãshimãnmi haora kaji wuivãng issue chi kathãkwui alungli resolve sãmi khavai khangakao eina ngasoda rally chi zatkahaina.

TKS President AS Rangam na chitheimida, MU tuishot chiwui vãng eina tribalnao bingli sãkaza tarãkha leikahaina kaji eina ngasoda tribal katamnao tarãkhawui academic year shimanki jihaira da hãnga. Concern authority bingna kathãkwui alungli yangsangmida Manipur University chi kathãkwui alungli function sãngasak khavai TKS na thãnda rally chi khuikãkahaina da ãna ngarumsangda hãngluiya.

MU tuishot chili tribal katamnao bingna kasaikha pamkasãna kha, ãja tuishot chi Manipur alungli leida khalei Kaphung District bing lila rãzahaira kaji eina ngasoda, pheikar chi mangã khuivãda tribal longnao ngatateida na ngarumda meeting khuikã haora da TKS wui General Secretary Hashokmi Khongreiwo na hãnga.

Aja zatkahai rally chi Dungrei Junction kala TNL Ground eina haophokta, Mini Secretariat Complex li ungkazipa kala chili Manipur Governor li address sãda Ukhrul District wui Deputy Commissioner li memorandum ãkha misang haira.

Lairik katamnao bingwui career li sãkaza malei ngasak khavai academic class kathãkwui alungli haophok ngasaka khavai kala katamnao bingwui interest chili Governor na safeguard sãmi khavai Memorandum chili ngakao haira.


~Aja Daily

Flat 35% Off On Web Hosting

There are no comments for this entry yet.
avatar