Menu
Account Login and Registration
Go back » » 2018 » September » 28

Ukhrul Transport Office ot mathãda masãthura, yarui maringphã thura

|Thotshang Shaiza|
Ukhrul, Sept 27

Vehicle Transport Office, Ukhrul li Driving License semkhavai thangkhali mi 20/30 li masuitãla ama/ photo kãpkhavai apply sãda khalei atam hili office wui equipment malei mana da ot masãla kapam haptã ãkha kãshung haira.

Transport Office Ukhrul li makasho hi zingkum mati/phangã kãshung kahaina, kha, ãja rashungda yaruili service khamili reception makhamathã kala ot atam chãda masãkhami hina yaruiwui alungli maring kapha leingasakshonda leihaira.

2017 wui eina haophokta driving license hi smart card maning akha valid masãlui mara kaji eina ngasoda smart card semkhavai machine hi Ukhrul li install sãmihaida, smart card li ngacheikhui khavai thangkhali mi 30 shakhana apply sãda khaleina.

Kha, office employee bingna thangkhali mi makali lãngda smart card wui photo makãpmi mara da office khamongli kala office alungli notice thethai laga ot sãda khalei staff bingna mi 10 kãshunghai akha makãpmilui mara da khangareo kala Internet li phen laga ot masã khami hina Imphal kala apam khangateiwui eina kharã yarui bingli ningkachot kachungkha samphang ngasakta lei.

Driving license smart card wuivãng document submit sãhai laga photo kãpkhui khavai shijinda khalei web camera chi quality makhamathã kala operator nala khangashar vãtlãk eina khikha adjust masãkhami hina maram sãda matailãk kahai driving license wui document wui ama chi nãyong thãda zikrik eina semshokmida lei kala ãma kãpkhuihai laga ngalãngda semmi kapai chili zimiksho khani kathumthang delay sãmi nganaoda khalei hi yaruiwui atam arema maram makhaleili shimãn mida khaleina.

Bangalore li kapam Ms. Shinshin wui driving licence chila Smart Card li onkhui khavai haptã ãkhawui alungli kathum shida vãlaga office wui akap makapeili phenlaga masem khami kala yarui khangatei lila masem khami hi haptã ãkha kãshung haira da maringphãlãkla paome bingli report sãhaira.

The Ãja Daily wui paome hina Transport Office wui staff li investigate vãkasãli ãthumna chitheimida, computer li signature sãkhavai lightpen chi khararnao ãkhana pangnã namhaida tek kahai hina maram sãda office wui ot, kaja, driving license kasem hi ngasãm kahaina kala ãthumna Imphal wui head office kala Transport Director li vãpo laga sanction malei mana jihaida ot masãla kapamna da hãnga. Yarui wuivãng majuk mida khiwui atamli sãpaira khala da khangathingli atam kasãngkha zanghaora kaja pen chi malei akha ot masãpai mana da pailãk eina ngahãnkãmi haira.

Ayar ngaleili kapam Ms. Shinshin na phongshokta, zingkum kathumwui alungli Ukhrul li ot ãkha wuivãng khaung eina ngasoda driving license semkhuilãkra da chihãnlãk eina office khavãli lightpen ãkha wuivãng eina masem khami wuivang, “Iva Bangalore li tãlui haora, kha, iwui thãda valid driving license mangavãla pamki kaji victim hi mi khangateili mashok khavai yangsangmi khangayi Authority na mikyan zangmilu,” da yaruiwui mathun eina Ms.Shinshin na ngakao haira.
~Aja Daily



Flat 35% Off On Web Hosting


There are no comments for this entry yet.
avatar
Website Traffic