Menu
Account Login and Registration
Go back » » 2018 » September » 9

Victor Keishing eina Preshow Shimray anili ngareng kahai chi UNC na khalanmi haira

Imphal, Sept 8

United Naga Council (UNC) wui President Qr.Gaidon Kamei eina General Secretary Qr. S. Milan anina shoi salaga chiho kashok circulation akhali 43-Phungyar AC wui former MLA Qr. Victor Keishing eina 45-Chingai AC wui former MLA Qr. Preshow Shimray aniwui tungli ngarenghai kasã chi khalanmi haira da phongshokta lei.

UNC wui lairik china hanga, thuikahai 28th March 2018, Tangkhul Naga Long (TNL) na Qr. Victor Keishing eina Qr. Preshow Shimray na ning ngatei kahai/ opology letter chihorãda aniwui tungli ngarenghaida khalei chi khalanmi haira da TNL na UNC wui President li forwarding kasã letter chiwui pongli UNC executive na September 3, 2018 thang UNC office li kazip akha khuikãda thuikahai kum 2015 wui October 20 thang UNC wui Directive azingli TNL na Declaration akha chihoshokta Qr. Victor Keishing, former MLA 43-Phungyar AC kala Qr. Preshow Shimray 45-Chingai AC anili Tangkhul Naga Territory li phei makarsang khavai kathing haikhami chiwui pongli ngasan ngayei sakahai thili ani khanina ning ngatei kahai wuivãng kala Naga National Principle hi makang ngasak khavai sarada shitkasang mikahai chiwui vang yanglaga UNC na aniwui tungli ngarengkahai chi khalanmi haira da chitheimida lei.

Panpai, 2015 wui August 31 thang Manipur Legislative Assembly li Anti-Tribal Bill kathum pass kasã chiwui pongli mari leida hangda khalei former MLA khani chiwui tungli ngarengkahai pheikar hi parmihaida khaleina.

~Aja Daily

Flat 35% Off On Web Hosting

There are no comments for this entry yet.
avatar