Services For Elders
ÃJA| Imphal, Oct 3: October tarik 2 kala October tarik 3 2019 thang Ngainga Baptist Church na rungmida Services For Elders (SFE) eina Ngainga Theological Union na Khararnao bingwui vang camp khuikami haira.
Local Pastor Revd Ranjit Rashadang na lhararnao bingwui maramli ngasunlaga Devotion khuimiya. Rev. Aping Khamrang, Chairman Berean Medical Association (BMA) na camp hiwui tuikui “ Ageing Gracefully (Phatun Leikhaya)” kala Khararnao akha sãda katang makhavai mirinwui vang khangaran kasã, kachi hili rinlaga session khani khuimiya. Khararnaobing ãthumwui theikhangai chila ngahãnkhuida ringphalãk eina kupsang haira.
Kakhane thang wui ranyei chili local Pastor na khararnao bingli kakazã yangmi khavai suihaimia, kala CHSRC wui Director Dr. Nelson Vashum na kazat yangmiya. Lakhashong Yangmi Shimray, Service for Elders wui Project officer na khararnao bingli phasã, manglã kala ning hiwui khangshikwui maramli kasatsangmi haira.
Camp hili ãrila khalem eina yaomi haira. Khani thangwui camp hili Ngainga Baptist Church na khararnao saikorawui vang kashak kazãla mathalak eina ngaranmiya. Khanithang wui Camp chili campers 113 na shakhana rãzanga.
0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account