Ringui
ÃJA| Imphal, Jul 04: Ukhrul District wui zingtunvak khalei Ringui khawui shimkhur khanina kakei harbing (chicken) 30 langda sãyurlapai da ningkhamaongna aja sathatmi haisai. Harbing bing chi akui kala akahungwui pam mangli sakaza /ranshat khamiwui dak leisai da hanga.
Harbing thihaikasa chi ngarumda 32 na kala harbing bing hi kha chiwui AS Paul kala AS Wonmi wuina. Harbing bing chi kathãda kathi khala kajiwui ngarakzak kahai matheirarla leida lei. Hithãda harbing kachungkha hengsada sathathai kasa otshot hi kha hili ajawui hina kharbingena da hanga.
Kha chiwui ramnao AC Yaongam na paome bingli phongkashok athishurda thihaikasa harbing bing chi akui kala akahungwui portion mangli sakaza kala ranshatmi kahaiwui dakbing leisai. Harbing khaniwui akuiva makãsamana da hanga.
Ana hangluia, thihai kasa harbing 32 wui lungli akha mangna harbing shimwui kayangli thihaikasana. Kateibing chiya harbing shimli thihaikasana. Harbing chi khi atamli sakathat khala kaji hilaka da matheimana kha otshot hi ngayã sailungwui atamli kashoklapai kaji ningkhamaong lei. Pao hi kasha eina ramnao bingna matak kakhak eina ngasoda kapeoung kapeovã salala arui rashungda sãyurwui chon kala katei praman akhala masamphang mana.
Otshot hiwuivang concern authority bingna mikyan zangmida shimli kakei harbing zangda katei domestic sãyurbing azak makathei sãyurbing wui eina ngatangkhuimi khavai ot singkãmilu da appeal sahaira.
~Aja Daily
0 Comments

Leave a reply

Your email address will not be published. Required fields are marked *

*

Create Stunning website at just Rs 348/yr with free domain. Hurry limited time offer

 ©2019 TangkhulOnline.com

Log in with your credentials

or    

Forgot your details?

Create Account