TBCA

|ÃJA| Imphal, Oct 3: Tangkhul Baptist Churches Association (TBCA) Women Union’s Triennial Conference wui 4th edition ãja ngazin Ukhrul District wui lungli khalei Ringui khali khokharum, music kala lãsak eina ngasoda maholak eina mi thingkhani langda rãzangda haophok haira. Triennial Conference hi rãkhara October 7 eina tangda khuikãkida lei.

Ãja TBCA wui Finance Secretary, Rev VA Ayo na seihã sãmida haokaphok conference chili state hiwui lungli kala ayarli khalei khangarumma 73 churches wui delegate 2,392 na rãkazipta lei. Kazip hili TBCA Women Union wui Chairperson Ningthingla Ruivahnao na kasatsangmida ãja ngazin conference haokaphok kazip chili yarui kachungkhana mathanthathup rãkazang chiwuivang Vare li ningkashi phongshokta saikorali ringkaphã eina ngarokhui haira. Conference hina ithum saikorali Proho Jishu Christa li ngatarmeida shitsang khavai khudong kachã ngasã ngasaksa da ngakao haira.

TBCA Women Union wui Secretary Chonchon Kaping na welcome address mimida rãzang kahai saikorali ringkaphã eina ngarokhuida conference hina saikora wuivang manglãwui ning mathuk khangasak khuirãda khalattawui mirinli khangachei khuirã khami ngasãranu da phongshok haira.

Ãja conference haokaphok kazip chili TBCA wui Executive Secretary Rev Dr. Mathotmi Vasha na conference hiwui theme li pheisin sada meisa eina meikhaimida Proho Jishu Christa hina christian naobingwui ãkhamang kaji khamakanga foundation na jihaira. Ana hangluia, ithumwui thang thangwui kharing kharak mirinli khangasung kayãkha samphanga. Chithãlala christian nao akha sãda Proho wui mingli mangã muivã kashap ngasã phalungra, maramma, Proho hina ithumwui chiham khavai kala khanangda khalei manglã kajivawui akhamang kaji chihan khavaina. Ithumwui wuklungli Proho li shaptitta kahai chitharan khangasung kayãkha leisãlala mangã muivãshapra da kasatsangmi haira.

Ãjawui kazip chili conference rungmida khalei host Ringui Baptist Church wui local pastor Rev Arei Shinglai na rãzang kahai delegate huptali Christa wui mingli ringkaphã eina ngarokhuida conference hi mangachangsang ranglakha eina tangda saikorali kahap khikha makhalei ngasãranu da phongshok haira.

Ãja conference haokaphokwui kazipli Ringui Baptist Church na lã, pheichak kala katei item ngatateidala sãchitheida rãzang kahai saikorali ringphã mathan ngasak haira. Conference hi zimiksho 5 thang chupta khuikãda rãkhara October 7 thang ngachangsangki kajina.

~AjaDaily

Tags:
0 Comments

Leave a reply

Your email address will not be published. Required fields are marked *

*

Create Stunning website at just Rs 348/yr with free domain. Hurry limited time offer

 ©2019 TangkhulOnline.com

Log in with your credentials

or    

Forgot your details?

Create Account