SBI Ukhrul

“3 thang Bank masho mara, yaruina khangmilu”

|Thotshang Shaiza| Ukhrul, Nov 24: SBI, Somsai Ukhrul Branch wui eina samkaphang pao athi shurda Ukhrul Mini Secretariat li semda khalei building room bing chi kupsang haoda rãkharã tarik 28th November 2019 thang wui eina haophokta apam chili ot sãphok haora jihaira.
Chithãda sãda zingkum kasãngkha shokahai SBI Somsai hi ãjawui eina shunghaira, masholui mara.
Maram chiwuivãng eina SBI Bank hi zimiksho kathumthang chiya, rãkharã Monday, Tuesday kala Wednesday hi ot pongkashang kala apam kasem, setting kasãwui ot mangã khuiki jihaoda bank customer bingwui ot masãmara da chitheimi haira.
Somsai li sepoy wui gate khani kãnzang laga 27th Assam Rifles wui alungli leikasã SBI branch hili yarui wuivãng makachã seikakhaut leihaoda yarui, matailãk eina Tangkhul CSO bingna, move sãlaga Mini Secretariat li hongshang khavai process kasã chi ungshung haoda rãkharã tarik 28th November ngathor working hours wui eina shim kadhar chili ot haophok haoki kajina.
Zimiksho kathumthang hi yarui wuivãng kasak kayãkha leisãlala khangmida phãkhamei apam chili function kasãli yaruina katomisa da Tangkhul CSO bingna ngakao haira.
~Aja Daily
0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account