|Thotshang Shaiza|
Ukhrul, May 7

Sihai Khunou li thuikahai tarik 26th April wui eina haophokta tarik 1st May eina tangda NSCN-IM eina Assam Rifles wui Stand-Off leikasãwui thili Assam Rifles na Sihai Khunou li zimiksho khani/ kathum thang pamvãlui kaji atamli tarik 2nd May, 2019 thang Village li ari (medicine) yaomira da announce kasã eina ngasoda khawui mibingli sãm tin-fish kokta khanirip yaomi kahaina, kala chiwui facilities chi Sihai Khunou li pamkasã mibingna samphanga, kha Sihai Kahaophung liva khikha mami mana.

Assam Rifles na tarik 3rd May, 2019 thang newspaper li Sihai Khunou khali masãkhami kala Sihai Khunou na makasã bing chi phongkahai chili Sihai Khunou wui Chairman Qr. Ngathingpam P. Shimray eina hangva Qr. Barnabas Shimray na maringkaphã phongshok haira.

Ãni khanina chitheimiya, Assam Rifles na Medical Camp rungmi kahai khikha maleilãk mana, kha tarik 2nd May thang zimiksho ãkha ari yaomirada khali pamkasã bingna vãkhuiya. Chili doctor zanglaga kakazã yangkhami malei mana, compounder na ari yaokhami eina ngasoda advice khamiva leiya, ãthumna paperli zimiksho khanithang Medical Camp rungmi laga health check-up kala basic lab facilities milaga treatment sãmiya kaji chi mamashung mana jihaira.

Tarik 1st May ngayã NSCN-IM shipai bingna ãthumwui camp chi chikãmi haoda kha hiwui VA phangã zangda Assam Rifles bing eina ngasoda Camp chili vãyanga, kala ãthumna VA bingli unghaolu jihaoda khaungli ãthum shim maungshung ranglakha camp bing chi meikathot wui meikhut theiya. Ãthumli shipai bingna camp kala chili leikasã groceries eina ration bing mei eina thottã haira da hãnga.

Sihai Khunou wui mibingli sãm yaokhami chi AR wui ration katai yaokhamina da hãnglaga paper liva NSCN-IM wui camp eina vãkakhui groceries eina ration bing chi khawui mibingli yaomi haira kaji hi khawui mibingli kachipat tuina jihaira.

Newspaper li armed insurgents bing kapam eina Sihai khali development maleikapaina da Sihai wui mibingna kahãng khikha maleilãk mana. Ãthumna makhamashung semkhui laga kapishok phapha kaji tuina jihaira.

Sihai kala Khamasom li development makhalei hiva Manipur Government na mikyan mazang khami wuivãng eina kashokna, kachikatha armed insurgent bing kapam eina Sihai li hapkakhano khikha maleilãk mana da ãnina tharmi haira.

“Hithãda Assam Rifles na ithum wui alungli sãrakui hersangmi laga ithum eina ithum ngama khavai policy kasã hiya ning makathar achamna,” da Sihai khana maringkaphã phongshok haira.

~Aja Daily

Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

CONTACT US

We're not around right now. But you can send us an email and we'll get back to you, asap.

Sending

Log in with your credentials

or    

Forgot your details?

Create Account