Kachai lemon

TANGKHUL NEWS |ÃJA| Imphal, Mar 14

Ukhrul District Headquarters wui zingtungshong kilometer 16 shakha tãda khalei Kachai Village li kakhar Champra (Lemon) hi Geographical Indication (GI) Registration tag mikahai wuivãng North East India wui alungli exotic agricultural product ãkha ngasã haira.

Kachai lemon hi, ngakheikhang kahaiya ãkhana da khuiya kaja, athei hili ascorbic acid 51% zangdalei kala hi Citrus fruit bingwui ngachaili chungmeida kazang ngasãda khaleina kaja khangatei lemon variety bingli 20-30 percent kathã mang zanga. Kachai wui ãthei avavali ara (Juice) 36-56 ml zanga. Kachai lemon hi phãkhui kapai atam rãkahai tharãn awon khawon thãya.

Hi mangã vãmeida khuikãpai khavai March 16 thang, NERAMAC na, Runrumlan Organic Producer Company Limited li ngarumda, North Eastern Council li ngashikta, thang zimiksho khawui seminar ‘Post GI Activities for Kachai Lemon’ wui maramli TTA Hall Hamleikhong, Ukhrul li rungmikida lei.

Seminar chili Tangkhul Naga Long (TNL) wui President Hopingson A. Shimray na masowo sãmira. Workshop chi, matailãk eina, GI Registration kala chiwui legal right bingwui maramli lui khavãnao bingli bhãp tãkhui ngasak khavai ningrin leida rungmi kida khaleina.

GI Registry office, Chennai wui eina resource person bing kala Horticulture, Agriculture, kathã department bingwui official bingla rãzangra. Seminar chili rãkazanga lui khavanao bing zangda ngarumda interactive session la khuikãra kala GI Registration wui kankhanã maram lila ngasan-ngayei sãra da hanga.

~Aja Daily

0 Comments

Leave a reply

Your email address will not be published. Required fields are marked *

*

CONTACT US

We're not around right now. But you can send us an email and we'll get back to you, asap.

Sending

©2019 TangkhulOnline.com

Log in with your credentials

or    

Forgot your details?

Create Account