chirmi shimray

|ÃJA| Imphal, Apr 07

“The Sea and I” kaho Ql. Chirmi Shimray kaho zingkum 26 kãshung kahaiya lãshiyo ãkhawui khare novel hi thuikahai April 6 thang release sãhaira.

Imphal wui Uripok Chom Leikai li khalei 70MM Cafe li program ãkha khuikãda 44-Ukhrul (ST) AC wui MLA Qr. Alfred Arthur Kanngam na lairik hi release sãkhamina.

Qr. Alfred na lairik release sãkhami eina ngasoda youth bingli ning mathukta malung pinglãk eina ot sãkhavai machãnsangmi haira.

Khalatta teoda makhuihaila, khalattana khalattali shapa da khuilaga yaruirinli mathãsang/ mataisang khavai hotnãlu da Qr. Alfred na ngahot haira

Kachot kachãng samphangda khalei chiwui eina yaron-ngalã
bingna makhayek khavai katsatsang mida, chikathã kachot kachang samkaphang china ithumli malingmei ngasakta khaleina da ãna ngarum sangda hãngluiya.

Lairik chiwui maramli Ql. Chirmi Shimray na phongshokta, lairik chi kapã mibingna thuklãk eina pãda khararchan chiwui khamathã kala kathuka kakhalat chi majukkhui ngasakngaiya da phongshok haira.

“The Sea and I kaji lairik hi iwuivãnga special sãlãka. Saklãk kahai sikafa atamli lairik chi kagapina kala lairik kagapi china iwuivãng kachot atam chili ning ngaveng khangasak kala ringphã khangasak apong ngasai.

Also Read: ‘My struggles in life inspires me to write’ – An exclusive chat with Chirmi Shimray

Lairik hi ina naovaida pharãnanai kaji atamli kapikup kajina, kala lairik hi pãkakhui bingna lairik hiwui mangã eina ning chingri kahai teomeikha lala samphang ngasakra kaji kachichãn haingai,” da kagapina da Ql. Chirmi na phongshok haira.

“Lairik hi ikhalattana chukmaja khuida kapikashokna kala, pãme bingli rairei apamwui eina khuishokta, thuklãk kahaiya chingri kahaiya khamayunga shamadru thãda ningli rãza ngasak khavai da kagapina.

“Lairik hina pãme bingwui ningli ngahuiri kahai rãshung ngasakranu”, da ãna phongshok haira.

“Sea and I” lairik hi online einala Amazon.com li samphangpaira.

Lairik kakape, Ql. Chirmi Shimray hi, Ukhrul Manipur li rarkãda, arui-arui Imphal li pamda khaleina. Ã hi zingkum 26 kãshung kahaiya, full-time teacher, writer kala kachãng kathum kãshung kahaia naomayara Leo wui ava sãda khaleina. Ãna Mumbai University wui eina Master Degree khuikahai thili otpam kadhar kala experiment kadha-dhar bing explore sãda khaleina.

~Aja Daily
Sponsored Ads:

Flat 28% Off On Web Hosting


0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

CONTACT US

We're not around right now. But you can send us an email and we'll get back to you, asap.

Sending

Log in with your credentials

or    

Forgot your details?

Create Account