TTA golden jubilee

|ÃJA| Imphal, May 04

Ukhrul District wui lungli khalei Somdal li thuikahai April 30 wui eina May 3 eina tangda TTA wui kum 50 kãkashung nitrei (Golden Jubilee) Somdal Baptist Church na rungmi haira.

Zimiksho 4 thang chuptã khuikakã TTA Golden Jubilee chili ngarumda mi 435 na register rãsaya. Jubilee hiwui khamataiya matuimebing chia Ms. Ikhres Muivah, Rev. Dr. Tuisem A. Shishak kala Rev. Dr. Y.L. Mingthing athumna sami haira. Bible study wui pongli Rev. Khayaipam Khamrang na khuikãmiya, Dr.Jewel Azyamah na Doctoral Research wui paper present sami, langmeida khuikã kahai Jubilee hiwui programme li moderator bing, secretary bing, worship team kala local church wui eina talent display wui artist bingna programme chili khipãkha shoikahai maleila razangda mapung phãlak eina programme chi khuikã haira.

Programme hiwui ngazin kachida local church choir na choir seat khuimida khokharum lumlaolak eina khuikã haira. Jubilee khamayon hili phaningung khavai monument akha Somdal li kala TTA office li Somdal Church na ngaranmida shunhaira. Jubilee nitrei hili kharãbing saikorana ringkaphã kala ningyang khaung phongshok ngarok haira.

Somdal Baptist Church li haokaphoka TTA hiwui Silver Jubilee hi 1994 kala ajawui 50th kãkashunga nitreila Somdal Baptist Church na phungmi kahaina. TTA hi Khristana lingkã khami association na da saklak eina khuimida nitrei hili kharãbingli leikashi eina kala kathanna, kashurra mateila ningtonglak eina otram ngathami kahai otsak china saikorana ringkaphã kala kaphã vareshirinwui otsak chungmeida tamkhui khavai samphanga da phongshok ngarok haira. Khristali leikashi mangã eina rãkazang TTA member saikora wuivang kachot khangda otram ngathamingairareo ngathami kahaiwui aman kasaka leikashi athã kharda kaphã athei matheira da shitkasang phongshok ngarok haira.

Somdal li khalei Khrista wui Church Ishamei Ana pangshap ngarumsangmida hormeiranu kaji hi TTA wui seihã kasa eina phongkashok ningkashi tuina da TTA office, Hamleikhong wui eina chiho kashok lairik akhali phongshokta lei.

~Aja Daily

Tags:
0 Comments

Leave a reply

Your email address will not be published. Required fields are marked *

*

 ©2019 TangkhulOnline.com

Log in with your credentials

or    

Forgot your details?

Create Account